Onun sözlərinə görə, bu zaman ərzaq məhsulları 1,62 faiz ucuzlaşıb, qeyri-ərzaq məhsulları 0,32 faiz, xidmətlər isə 0,18 faiz bahalaşıb: "Aprel ayına nisbətdə may ayı ərzində paytaxt və regionlar üzrə istehlak qiymətləri indeksinin dəyişməsinə gəlincə, Bakıda qiymətlər 0,62 faiz, regionlarda isə 0,88 faiz azalıb. Bu azalma yalnız ərzaq məhsullarının qiymətində mövsümi amillər səbəbilə baş verən ucuzlaşma hesabına qeydə alınıb. Belə ki, may ayında ərzaq məhsulları Bakıda 1,30 faiz, regionlarda 1,93 faiz ucuzlaşıb.
Qeyri-ərzaq məhsulları müvafiq olaraq 0,23 faiz və 0,40 faiz, xidmətlər isə 0,09 faiz və 0,27 faiz bahalaşıb. Bu zaman ən çox yer xiyarı (52,40 faiz), baş soğan (42,19 faiz), ağ kələm (40,79 faiz), çiyələk (29,51 faiz) ucuzlaşıb. Ən çox bahalaşma isə qeyri-ərzaq məhsullarından kərpicdə (9,06 faiz), 750 əyarlı qızıl üzükdə (4,94 faiz) və parketdə (3,94 faiz) qeydə alınıb."
Mərkəz rəhbərinin sözlərinə görə, ötən ilin eyni dövrü ilə müqayisədə (12 ayda) ölkədə 14,65 faiz bahalaşma qeydə alınıb. Bu zaman Bakıda qiymətlər 18,11 faiz, regionlarda isə 11,25 faiz artıb. Qeyd olunan dövrdə ən yüksək inflyasiya ərzaq məhsullarında (25,05 faiz) olub. Qeyri-ərzaq məhsullarında artım 3,35 faiz, xidmətlərdə isə 3,51 faiz olub: "Bu ilin beş ayında ölkədə istehlak qiymətləri 5,33 faiz, o cümlədən ərzaq məhsulları 8,53 faiz, qeyri-ərzaq məhsulları 1,06 faiz, xidmətlər isə 2,38 faiz yüksəlib."
Q.İbadoğlu daha sonra may ayı üzrə minimum istehlak səbətinin dəyəri barədə də jurnalistlərə məlumat verib: "Bildiyiniz kimi, Mərkəzimizin ekspertləri eyni zamanda 10 regionda qeydə alınan qiymətlər və Nazirlər Kabinetinin 30 aprel 2009-cu il tarixli qərarı ilə təsdiq olunmuş normativlər əsasında hər ay minimum istehlak səbətinin dəyərini də hesablayırlar. Həmin hesablamalara əsasən, may ayında Azərbaycanda əmək qabiliyyətli əhali üçün adambaşına minimum istehlak səbətinin dəyəri 161,95 manat, pensiyaçılar üçün 146,38 manat, 0-14 yaşlı uşaqlar üçünsə 202,21 manat təşkil edib.
Bu o deməkdir ki, hər iki valideynin işlədiyi və bir uşağı olan 3 nəfərlik ailənin minimum ehtiyacları qarşılaması üçün 526 manat gəliri olmalıdır. Bu, eyni zamanda o deməkdir ki, Azərbaycanda pensiyaların minimum məbləği 150 manatdan az olmamalıdır. Halbuki hazırda bu məbləğ 85 manata bərabərdir.
Minimum xərclərin tərkibində ərzaq xərcləri yenə ən böyük paya malikdir. Belə ki, hesablamalarımıza görə, ötən ay əmək qabiliyyətli əhali adambaşına ərzağa minimum 101,91 manat, pensiyaçılar 91,3 manat, 0-14 yaşlı uşaqların valideynləri isə 116,92 manat xərcləməli olub. Ay ərzində bazardakı qiymətlərlə əhalinin qeyri-ərzaq məhsullarına çəkdiyi minimum xərcləri işləyən əhali üçün 34,72 manat, pensiyaçılar üçün 32,44 manat, 0-14 yaşlı uşaqlar üçün 67,73 manat, xidmət xərcləri isə müvafiq olaraq 25,32 manat, 22,44 manat və 17,56 manat təşkil edib.
Xatırladım ki, "Azərbaycan Respublikasında 2011-ci il üçün yaşayış
minimumu haqqında" Qanun əsasında ölkədə
2011-ci il üçün yaşayış minimumu 95 manat, əmək qabiliyyətli əhali üçün 102
manat, pensiyaçılar üçün 72 manat, uşaqlar üçün 76 manat məbləğində müəyyən
edilib."
Q.İbadoğlu
Azərbaycanda qiymətlərin digər MDB ölkələri ilə müqayisədə kifayət qədər yüksək
olduğunu deyib: "MDB Statsitika Komitəsinin məlumatına görə, bu ilin fevralında
Bakıda 10 ədəd yumurta Moskva, Astana, Minsk, Bişkək və İrəvanda olduğundan az
qala iki dəfə bahaya satılıb (Müvafiq cədvəl Press-relizə əlavə olunur – E.B.).
Bu
gün Dövlət Statistika Komitəsi heyvandarlığın sürətli inkişafından, iri və
xırdabuynuzlu mal-qaranın yüksək artımından xəbər verən məlumatlar açıqlayır.
Lakin müqayisə edəndə görürük ki, sümüksüz mal ətinin 1 kq-nın Bakıdakı qiyməti
249,63 rubla bərabər olubsa, Moskva kimi dünyanın ən bahalı şəhərlərindən
birində 235,20 rubl, Astanada 199,20 rubl, Minskdə 147,17, Bişkəkdə 166,95
rubl, İrəvanda isə 187,25 rubl təşkil edib. Bu nisbət təzə süd və toyu ətində
də təxminən eynidir."
Jurnalistlərin
suallarını cavablandıran Q.İbadoğlu mövsümi amilləlrlə əlaqədar iyun-iyul
aylarında da ölkədə cüzi deflyasiya olacağını, payızda isə onun bir qədər
sürətli inflyasiya ilə əvəz olunacağını gözlədiklərini bildirib: "Hesablamalar
göstərir ki, Ümumilikdə, ilin yekununda Azərbaycanda 11-12 faiz civarında
inflyasiya qeydə alınacaq. Beynəlxalq maliyyə və iqtisadi qurumları da 2011-ci
ildə Azərbaycanda inflyasiyanın ikirəqəmli həddə olacağını proqnozlaşdırırlar."
Bir sıra ərzaq məhsulları üzrə bəzi MDB ölkələrinin paytaxtlarında
2011-ci il fevralın sonuna olan orta qiymət
(Rusiya rublu ilə)
|
Məhsul |
Qiymət/Rusiya rublu
ilə |
|||||
|
Bakı |
Moskva |
Astana |
Minsk |
Bişkək |
İrəvan |
|
|
Sümüksüz mal əti |
249,63 |
235,20 |
199,20 |
147,17 |
166,95 |
187,25 |
|
Kərə yağı |
231,25 |
317,63 |
207,57 |
206,31 |
211,24 |
259,70 |
|
Günəbaxan yağı |
75,74 |
81,19 |
67,90 |
61,07 |
69,69 |
63,62 |
|
Təzə süd (1litr, yağlılıq 2-3 faiz) |
59,56 |
39,04 |
31,67 |
18,57 |
26,09 |
27,78 |
|
Toyuq yumurtası (10 ədəd) |
72,06 |
44,49 |
41,43 |
33,97 |
42,90 |
44,37 |
|
Şəkər-şəkər tozu |
39,71 |
45,00 |
44,42 |
34,77 |
40,43 |
28,95 |
|
Buğda unu, əla növ |
31,99 |
25,64 |
23,69 |
19,78 |
21,99 |
32,63 |
|
Əla növ buğda unundan makaron məmulatları |
68,38 |
73,74 |
38,25 |
28,97 |
43,15 |
38,97 |
|
Kartof |
36,76 |
41,79 |
30,28 |
23,23 |
18,64 |
25,43 |
|
Yerkökü |
40,81 |
44,57 |
27,69 |
25,28 |
16,18 |
34,74 |
Bütün xəbərlər Facebook səhifəmizdə
USD
EUR
GBP
RUB