"Hal-hazırda bütün dünya ölkələrini əsas düşündürən iki təhlükəsizlik məsələsi var. Bunlardan biri ərzaq təhlükəsizliyi, digəri enerji təhlükəsizliyidir". Bu sözləri SİA-ya açıqlamasında iqtisadçı Elman Sadıqov deyib.
Məhz enerji ilə bağlı olan sammitdə cənab Prezident də doğru olaraq vurğulayıb ki, enerji təhlükəsizliyi heç vaxt olmadığı qədər hal-hazırda milli təhlükəsizliyin, ölkələrin təhlükəsizliyinin ayrılmaz bir hissəsidir: "Çünki bu gün elə bir dövrə gəlib çatdıq ki, enerji olmadan, enerji təhlükəsizliyini təmin etmədən heç bir şeyin istehsalı, hətta ərzağın belə istehsalı çətin olur. Çünki enerji olduqda gübrələrin istehsalı məsələsi var, kənd təsərrüfatı müəssisələri, emal müəssisələri və s. Yəni artan əhali, dəyişən iqtisadi formasiyalar, 4-cü sənaye inqilabı texnologiyanın inkişafı və bunların əslində hamsı enerji təhlükəsizliyinə dayanır.
Nə üçün bu belədir? Ona görə ki, bütün dünyanın növbəti mərhələlərdə ən çox ehtiyac duyduğu amil məhz enerji, elektrik olacaq. Yəni 5 ildən, 10 ildən, 15 ildən sonra elektrik həyatımızın indikindən qat-qat artıq ayrılmaz hissəsi olacaq. Çünki indiyə qədər biz ənənəvi enerji resurslarından da çox istifadə edirdik, bu gün də edirik. Amma 10 ildən, 15 ildən sonra artıq avtomobillərin demək olar, əksəriyyəti, bəlkə də, hamsı elektrik ilə işləyəcək. Bəlkə, evlərimiz belə tam olaraq artıq elektrik ilə isinəcək. Günəş enerjisi, külək enerjisi həyatımızın bir parçasına çevriləcək. Avropa ölkələrini ən çox düşündürən məsələ gələcəkdə elektrik enerjisini hansı ölkələrdən idxal etməkdir. Çünki Avropanın alternativ enerji ilə bağlı sıxıntıları var. Çünki günəşli günlərin sayı çox deyil. Hər bir halda nə qədər də texnologiya inkişaf etmiş olsa belə, hər bir halda günəş enerjisi məsələsi və yaxud da külək enerjisi məsələsi aktual olaraq qalacaq.
Ona görə də, bu gün enerji təhlükəsizliyi və getdikcə enerjiyə artan tələbat və cənab Prezidentin orada demək istədiyi bir mesaj da var. Hal-hazırda enerji sahəsində də bir transformasiya gedir. Yəni ənənəvi enerjidən alternativ enerjiyə keçid dövrünü yaşayırıq. Bu keçid dövründə bəzi ölkələr ola bilər ki, enerjiyə daha çox ehtiyac duyacaqlar, xüsusilə, şimalda olan inkişaf etmiş ölkələr. Məsələn bəzi ölkələrdə hansılar ki, sırf alternativ enerjidən asılı vəziyyətdə qalıblar, onların özləri üçün də müəyyən problemlər, sıxıntılar formalaşa bilər. Məhz ona görədir ki, bu gün Azərbaycan Prezidenti ənənəvi enerjidən alternativ enerjiyə keçid və Azərbaycanı da təkcə alternativ enerji deyil, həm də ənənəvi enerji istehsalçısı və ixracatçısı olan ölkəyə çevirmək və belə bir ölkə imici formalaşdırmaq istəyir. Əsas strateji xətt budur. O cümlədən, məsələn, Avropa ölkələrinə alternativ enerjidən əldə olunan elektrik enerjisinin çatdırılması, ixrac olunması məsələsi gündəmdədir".
"Enerji təhlükəsizliyi çox önəmlidir. Xüsusilə, biz Rusiya-Ukrayna müharibəsinin ilk dövrlərində Avropanın qaz ilə bağlı sıxıntılarını gördük və həmin sıxıntılar zamanı Azərbaycanın da öz üzərinə düşən öhdəlikləri yerinə yetirməsi, öz töhfəsini verməsinin şahidi olduq. Azərbaycan birdə onunla fərqlənir ki, bir çox ölkələrdən fərqli olaraq Azərbaycan son 30 ildə enerji sahəsində öz müqavilə öhdəliklərini qeyd-şərtsiz və kəsintisiz yerinə yetirən azsaylı ölkələrdəndir. Yəni Azərbaycan öz enerji sahəsində imzaladığı müqavilələr üzdə öhdəliklərini yerinə yetirərkən hər hansı siyasi məsələləri ortaya qoymur. Azərbaycan ilə Avropa ölkələrinin yaxından maraqlanması, müqavilələr imzalamağa çalışması, Balkan ölkələrinin, Şərqi Avropa ölkələrinin öz qaz tələblərinin məhz Avropa və məhz Azərbaycanın hesabına təmin etməyə çalışmaları təsadüfi deyil. Ona görə də, hər bir ölkə üçün, milli təhlükəsizlik üçün enerji təhlükəsizliyi önəmlidir və bu enerji təhlükəsizliyinin dayanıqlı və davamlı təminatı da bir o qədər önəmlidir. Bu dayanıqlı və davamlı təminatı təmin edə bilən ölkələrdən bəlkə də, birincisi Azərbaycandır. Ona görə də, bu məsələdə Azərbaycan həm də real və etibarlı tərəfdaş kimi öz mövqeyini qoruyub saxlayır.
Cənab Prezidentin önəmlə vurğuladığı məsələlərdən də biri odur ki, Azərbaycan təkcə neft və qaz ölkəsi kimi, neft və qaz ixracatçısı kimi tanınmaq istəmir. Azərbaycan bu keçid mərhələsində həm də özünü alternativ enerji istehsalçısı və ixracatçısı imici qazanan ölkə statusunda olmaq istəyir. Belə bir ölkə kimi görünmək istəyir. Çünki bu bizim, gələcək nəsillər üçün də çox önəmlidir. Öz öhdəliklərini davamlı və dayanıqlı olaraq ənənəvi enerji üzrə icra edə bilən Azərbaycan alternativ enerji üzrə də öz öhdəliklərini davamlı və dayanıqlı bir şəkildə icra etmək qüdrətinə malikdir" - deyə o, əlavə edib.
Bütün xəbərlər Facebook səhifəmizdə
.jpg)
USD
EUR
GBP
RUB