“Hazırda ölkəmizdə illik gəlir baxımından banklara depozit yerləşdirmək daha məqsədəuyğundur. Belə ki, bizdə banklar 10-12 faiz arasında illik gəlir depoziti hesablayırlar”. Bu sözləri SİA-ya açıqlamasında iqtisadçı ekspert Eyyub Kərimli deyib.
Onun sözlərinə görə, depozitlərin 10 faizinə vergi tutulur: “Lakin ümumi hesabladıqda illik gəlir nöqteyi-nəzərdən bankalara qoyulan depozitlər daha gəlirlidir. Məsələn, əgər biz 70-80 min hansısa banka vəsait qoysaq, bunun illik gəliri 9 min manata yaxın edəcək. Amma o qiymətə hansısa maksimum 2 otaqlı ev alsaq və onu icarəyə versək, ildə 5-6 min vəsait əldə edə bilərik. Gördüyümüz kimi, fərq 50 faizdən çoxdur”.
Eyyub Kərimli sözlərinə belə davam edib: “Bankda qalan vəsaitlər bəzən dəyərsizləşir. Çünki bizdə inflyasiya var və xarici valyuta ilə olan depozitlərə çox az (3-4 arası) faizlə gəlir təqdim edirlər. Bu da problemlərdən biridir.
Evlərin qiyməti ölkəmizdə qalxır. 2005-ci ildən bu yana müşahidə etsək, evlərin qiyməti 500 faizə yaxın artıb. Bu baxımdan da uzunmüddətli investisiya kimi evlərə yatırım etmək daha yaxşıdır”.
Ayşən Vəli
Bütün xəbərlər Facebook səhifəmizdə
USD
EUR
GBP
RUB