ATMU-da Tədris Metodik Şuranın iclası keçirilib

Azərbaycan Turizm və Menecment Universitetində (ATMU) Tədris metodik şuranın iclası keçirilib. ATMU-nun Tədris işləri üzrə prorektoru, TMŞ-nın sədri Hüseyn Həsənov 2018/2019-cu tədris ilinin yaz imtahan sessiyasına hazırlığın yekun nəticələrini diqqətə çatdırıb. Tədris metodik şöbənin müdiri Simnar Mamedov imtahana nəzarət komissiyasının yaradıldığını, imtahan biletlərinin dekanlıqlara təhvil verildiyini bildirib. Şura üzvlərindən Zaur Bağırov, Novruz Quliyev, Bahadur Bilalov, Vüqar Nəzərov vədigər struktur rəhbərləri yaz imtahan sessiyasına hazırlığıqənaətbəxş hesab ediblər.

SİA-nın məlumatına görə, rektor müşaviri Elvin Yusifli diqqətə çatdırıb ki, Dövlət Turizm Agentliyinin təşəbbüsü və maliyyə dəstəyi, BMT İnkişaf Proqramının (UNDP) təşkilatçılığı ilə ali təhsil müəssisəsində “TedQual” və “ISO 9001” sertifikatların əldə edilməsini şərtləndirən təlim-tədris-tədqiqat üzrə fəaliyyətin yenidən qiymətləndirilməsi, hədəf bilinən sertifikatlarınalınması istiqamətində zəruri yoxlamalara start verilib.E.Yusifli “TedQual” sertifikatı təlim-təhsil-tədqiqat sahələrini ehtiva edən əhəmiyyətli tanınma sənədidirsə, “ISO 9001” keyfiyyəti idarəetmə standartı kimi əhəmiyyətlidir-deyib. Elə bu səbəbdən ATMU hər iki sertifikatdan faydalanıb və beynəlxalq nüfuz dairəsində yer almaq niyyətindədir.

ATMU Tədris metodik şuranın iclasında “Xidmət mühəndisliyi” fakültəsinin dekanı Kənan Allahverdiyevin təqdimatı əsasında mövcud strukturun “Sosial menecment”fakültəsi adlandırılması təklifi Elmi Şura iclasının gündəliyinə daxil edilməsi tövsiyyə olunub.

ATMU-da yaz imtahan sessiyasına başlanılıb. Yaz imtahan sessiyası iyulun 5-də başa çatacaq.

Bütün xəbərlər Facebook səhifəmizdə

loading...