Naxçıvan Muxtar Respublikasında istehlakçıların hüquqlarının qorunması, dахili bаzаra nəzarət və keyfiyyətin yüksəldilməsi üçün 105 halda topdan və pərakəndə ticarət, istehsal müəssisəsi və xidmət obyektində nəzarət tədbirləri həyata keçirilib. SİA-nın məlumatına görə, 11609 manat dəyərində istehlak müddəti bitmiş məhsullar aşkar olunaraq ticarət dövriyyəsindən çıxarılıb, 644 yerli və idxal ərzaq məhsullarından nümunələr götürülərək Mərkəzi Qida Sınaq Laboratoriyasında təhlil edilib, 8 mənşə sertifikatı verilib.
“Qaynar xətt” vasitəsilə 760 sahibkarlıq subyekti ilə maarifləndirmə istiqamətində iş aparılıb, sahibkarlıq fəaliyyətinə maneələr törədilməsi ilə bağlı sahibkarlıq subyektlərindən daxil olan şikayətlərə mütəmadi olaraq baxılıb və müvafiq köməklik göstərilib.
Bütün xəbərlər Facebook səhifəmizdə
USD
EUR
GBP
RUB