Sabirabadda yük maşını traktorla toqquşub

Sabirabadda yük maşını ilə traktorun toqquşması nəticəsində 1 nəfər xəsarət alıb. “Report”un Aran bürosu xəbər verir ki, hadisə dünən axşam saatlarında rayonun Nəsimi kəndi ərazisində qeydə alınıb.

Belə ki, kənd sakini, 1971-ci il təvəlüdlü Məmmədov İntizar Şulu oğlu idarə etdiyi traktorla hərəkətdə olarkən arxadan gələn “Shaqman” yük maşını ona çırpılıb. Nəticədə müxtəlif dərəcəli bədən xəsarətləri alan traktorun sürücüsü Şirvan Şəhər Mərkəzi Xəstəxanasına çatdırılıb. Faktla bağlı araşdırma aparılır.

Bütün xəbərlər Facebook səhifəmizdə

loading...