Əfqanıstanın paytaxtı Kabilin müxtəlif nöqtələrində axşam saatlarında terror təşkilatı DEAŞ-a qarşı əməliyyatlar keçirilib. SİA-nın xarici mətbuata istinadən verdiyi məlumata görə, Talibanın sözçüsü Zəbihullah Mücahid səhər saatlarında əməliyyatın təfərrüatları ilə bağlı açıqlama verib.
O bildirib ki, Talibana bağlı xüsusi birliklər tərəfindən DEAŞ-a qarşı əməliyyat keçirilib.
“Əvvəlcə 2 DEAŞ üzvü həbs edilib. Daha sonra DEAŞ-a aid olduğu müəyyən edilən bunkerdə əməliyyat keçirilib”,-deyə əlavə edib.
Əməliyyatda Talibana bağlı xüsusi təyinatlılardan 1 nəfərin öldüyünü, 1 nəfərin isə yaralandığını bildirən sözçü Mücahid öldürülən DEAŞ terrorçularının Kabildəki son terror aktlarında iştirak etdiyini vurğulayıb.
Bütün xəbərlər Facebook səhifəmizdə
USD
EUR
GBP
RUB