Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell Ukrayna müharibəsinin enerji və ərzaq qiymətlərinə təsirlərini “mükəmməl fırtına” kimi qiymətləndirib və maliyyə böhranının yaxınlaşdığını bildirib. SİA xəbər verir ki, Nyu-Yorkda Birləşmiş Millətlər Təşkilatının Baş Assambleyası çərçivəsində AB Xarici İşlər Nazirləri Toplantısına sədrlik edən Borrell toplantıdan əvvəl jurnalistlərə açıqlama verib. Borrell bu il Ukraynadakı müharibəni və onun təsirlərini müzakirə edəcəklərini bildirib: “Ukraynadakı müharibə təkcə Ukraynadakı müharibə deyil”.
Borrell sözünə belə davam edib: "Ukraynalılar döyüşür, raketlərlə bombalanır. Dünyanın qalan hissəsi artan enerji və ərzaq qiymətləri, artan etibarsızlıq və yüksək faiz dərəcələrindən təsirlənir. Biz bunu müharibənin səbəb olduğu yüksək enerji və ərzaq qiymətlərində mükəmməl bir fırtına kimi təsvir edə bilərik". Borrell bu məsələləri AB ölkələrinin xarici işlər nazirləri ilə müzakirə edəcəklərini bildirib.
Azərbaycan və Ermənistan arasındakı münaqişəyə, eləcə də Qırğızıstan və Tacikistan arasında Orta Asiyada problemlərin olduğuna diqqət çəkən Borrell əsas gündəmin Ukraynadakı müharibənin təsirləri olduğunu qeyd edib.
Bütün xəbərlər Facebook səhifəmizdə
USD
EUR
GBP
RUB