Türkiyə Milli Müdafiə Nazirliyindəki qaynaqlardan əldə edilən məlumata görə, Egey dənizində həyata keçirilən, NATO-nun havadan erkən xəbərdarlıq "AWACS" təyyarəsi və "Nexus Ace" təlim missiyasını yerinə yetirən Türkiyənin 2 "F-16" döyüş təyyarəsi 24 avqusta Yunanıstana məxsus "F-16" döyüş təyyarələri tərəfindən təqib edilərək (radar kilidi atılaraq) narahat edilib.
SİA-nın türk saytlarından əldə etdiyi məlumata görə, Türkiyənin döyüş təyyarələrinin də radar kilidini ataraq Yunanıstana məxsus təyyarələrə lazımi cavabı verdiyi öyrənilib.
"Yunanıstanın gərginliyi artırmaq üçün israrla NATO missiyalarını hədəf almağa davam etdiyini" bildirən qaynaqlar son təxribatçı hadisəsi ilə Yunanıstanın bilərəkdən və planlı şəkildə bu davranışlara üz tutduğunu bildiriblər.
Əvvəlki təqiblərdə olduğu kimi bu hadisədə də NATO səlahiyyətlilərinin məlumatlandırıldığını qeyd edən nazirlik qaynaqları bu hadisənin Yunanıstan Müdafiə Nazirliyinin əvvəlki insidentlə bağlı açıqlamalarının həqiqəti əks etdirmədiyinin sübutu olduğunu vurğulayıb.
Bundan əlavə, Milli Müdafiə Nazirliyinin qaynaqları qeyd ediblər ki, Yunanıstanın bu davranışı NATO müttəfiqliyinin ruhu ilə üst-üstə düşmür və uçuş təhlükəsizliyini əhəmiyyətli dərəcədə risk altına alır.
Xatırladaq ki, Türkiyə Hərbi Hava Qüvvələrinə məxsus "F-16" qırıcıları NATO-nun “Mövcudluq əməliyyatları” çərçivəsində Şərqi Aralıq dənizində uçarkən, radar kilidini açaraq Yunanıstana məxsus təyyarələri tərəfindən təcavüzə məruz qalıb.
Yunanıstan Hərbi Attaşesi Milli Müdafiə Nazirliyinə çağırılıb və Yunanıstana məxsus döyüş təyyarələrinin NATO-nun missiyasını təhlükə altına atmasına sərt reaksiya verilib.
Bütün xəbərlər Facebook səhifəmizdə
USD
EUR
GBP
RUB