"Sülhə və sabitliyə nail olmaq üçün Ərdoğanın səyləri dəstəklənməlidir"

Türkiye Prezident Administrasiyası Kommunikasiya İdarəsinin sədri Fəxrəddin Altun beynəlxalq ictimaiyyətə müraciət edib.

SİA-nın əldə etdiyi məlumata görə, Fəxrəddin Altun bu barədə özünün "Twitter" səhifəsində yazıb.

Altun Prezident Rəcəb Tayyib Ərdoğanın Ukraynada həmkarı Volodimir Zelenski və BMT Baş katibi Antonio Quttereşlə danışıqlar apardığını xatırladaraq yazıb: "Cənab Prezidentimiz Türkiyenin Ukraynanın ərazi bütövlüyü və suverenliyinə uzun müddətdir verdiyi dəstəyi bir daha təkrarladı. Türkiye olaraq biz Ukraynanın siyasi suverenliyini və ərazi bütövlüyünü dəstəkləməyə sadiqik. Cənab Prezidentimiz Ərdoğan münaqişə başlayandan bəri bu işlə daim məşğul olub və onun səyləri artıq ciddi nəticələr verib".

Fahrettin Altun vurğulayıb ki, Rusiya və Ukrayna nümayəndə heyətlərini ilk dəfə mart ayında İstanbulda bir araya gətirən Türkiye bu prosesi davam etdirməyə cəhd göstərir.

Altun Türkiyenin Prezident Ərdoğanın rəhbərliyi sayəsində Ukraynaya bir çox sahədə, xüsusilə humanitar yardımda dəstək verdiyini, taxıl ixracı ilə bağlı İstanbul razılaşmasının (22 iyul) qlobal ərzaq tədarükü zəncirindəki təzyiqi yüngülləşdirən bir irəliləyiş olduğunu bildirib.

F.Altun bildirib ki, beynəlxalq ictimaiyyət sülh və sabitliyə nail olmaq üçün Ərdoğanın səylərini dəstəkləməlidir.

Bütün xəbərlər Facebook səhifəmizdə

loading...