Almaniyada sosial şəbəkələrdə Z simvolunu göstərən, silahla fotolarını yerləşdirən və Ukraynada hərbi əməliyyatlara dəstək verən 31 yaşlı Hamburq sakini saxlanılıb.
SİA-nın rus saytlarından əldə etdiyi məlumata görə, xəbəri RBC verir.
Alman hakimiyyət orqanlarının məlumatına görə, həmin şəxs özünü “Rusiyayönlü milli bolşevik platforması” kimi təqdim edən “Das andere Deutschland” (“Başqa Almaniya”) Telegram kanalını idarə edib və Rusiyanın Ukraynadakı hərbi əməliyyatına açıq şəkildə dəstək verib.
Onun Z simvolunu ən azı on dəfə sosial şəbəkələrdə yayımladığı, həmçinin Kalaşnikov avtomatı ilə foto çəkdirdiyi bildirilir. Amma silahın əsil silah olub-olmadığı hələ müəyyən edilməyib.
Almaniya hüquq-mühafizə orqanları əməkdaşlarının şübhələri hərbi silahlara nəzarət qanununun pozulması, xaricdə hərbi xidmətə çağırış cəhdi, həmçinin cinayət əməllərinin təsdiqi ilə bağlıdır.
Qeyd olunur ki, həmin şəxs avqustun 18-də Belarusa getməyə hazırlaşırmış, lakin avqustun 4-də prokurorluq əməkdaşlarının iştirakı ilə polis tərəfindən saxlanılıb.
Qeyd edək ki, Almaniyada CBO yerli hakimiyyət orqanları kontekstində Z simvolunun istifadəsinə qadağa martın sonundan başlayıb. Bundan sonra Aşağı Saksoniya və Bavariya federal əyalətlərinin səlahiyyətliləri bundan istifadə edənlərin cinayət cəzası ilə bağlı xəbərdarlıq edib. Qadağa Berlində də dəstəklənib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB