Avropa İttifaqının (Aİ) dərman tənzimləyicisi, Avropa Dərman Agentliyi (EMA) Aİ-nin yeni bir "Covid-19" dalğasından keçdiyini bildirib.
SİA-nın əldə etdiyi məlumata görə, EMA rəsmiləri "Covid-19" və peyvəndlərlə bağlı son vəziyyətə dair mətbuat konfransı keçirib.
EMA-nın peyvənd strategiyasına cavabdeh rəsmisi Marko Kavaleri bildirib ki, Aİ-nin bir çox ölkəsi omikron variantının yüksək yoluxucu mutasiyaları ilə idarə olunan yeni "Covid-19" dalğası yaşayır.
BA.4 və BA.5 mutasiyalarının bütün qitədə dominant hala gəlməsinin gözlənildiyini bildirən Kavaleri deyib:
"Güman ki, iyulun sonuna kimi onlar bütün digər variantları əvəz edəcəklər".
Cavaleri bildirib ki, bu variantların insanları virusun əvvəlki növlərindən daha çox xəstələndirdiyinə dair heç bir sübut olmasa da, yaşlılar arasında yoluxma hallarının artması ciddi xəstəliklərə çevrilməyə başlayır.
Aprel ayında EMA-nın 80 yaşdan yuxarı insanlara ikinci peyvənd gücləndiricisini qəbul etməyi tövsiyə etdiyini xatırladan Kavaleri Aİ-də 60-79 yaşlı insanlar və "bütün yaşlarda tibbi cəhətdən həssas insanlar" üçün ikinci xatırladıcı dozanın tövsiyə edildiyini söyləyib.
Kavaleri "Bu yeni dalğa Aİ-də yayıldıqca, həssas qrupların qorunmasını davam etdirmək və peyvənddə hər hansı gecikmənin qarşısını almaq vacibdir" deyib.
Bütün xəbərlər Facebook səhifəmizdə
USD
EUR
GBP
RUB