Somalidə son 40 ilin ən pis quraqlığı yaşanır

Somalidə uzun müddətdir davam edən son 40 ilin ən pis quraqlığı səbəbindən ölkədə 1 milyon insan qida və su çatışmazlığından əziyyət çəkir.

SİA-nın əldə etdiyi məlumata görə, Birləşmiş Millətlər Təşkilatının (BMT) Somali koordinatoru Adam Abdelmouli ölkənin indiyə qədər gördüyü ən pis quraqlığı yaşadığını vurğulayıb.

Abdelmoula Somalinin bir çox bölgəsinin quraqlıqla mübarizə apardığı və ölkə əhalisinin təxminən yarısına bərabər olan 7 milyondan çox insanın təcili yardıma ehtiyacı olduğu məlumatını paylaşıb.

Ümumdünya Səhiyyə Təşkilatının nümayəndəsi Doktor Mamunur Rəhman Malik də qida probleminin insanların sağlamlığına mənfi təsir göstərdiyinə diqqət çəkərək, bir milyon insanın qida və su qıtlığı yaşadığını bildirib.

Xatırladaq ki, Somali hökuməti artan quraqlıq səbəbindən 2021-ci il noyabrın 23-də ölkə daxilində "fövqəladə vəziyyət" elan edib.

Bütün xəbərlər Facebook səhifəmizdə

loading...