Lüksemburqun ev sahibliyi etdiyi Avropa İttifaqının Xarici Əlaqələr Şurası iclasına Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell sədrlik edir.
SİA-nın əldə etdiyi məlumata görə, iclasda müzakirə ediləcək əsas mövzular arasında Ukraynadakı müharibənin qlobal təsirləri, xüsusilə ərzaq və enerji təhlükəsizliyi, Rusiyaya qarşı tətbiq edilən sanksiyaların təsirləri kimi məsələlər iştirak edir.
Aİ-nin ali nümayəndəsi Borrell İclasdakı çıxışında: “Rusiyanın fevralın 24-də başladığı müharibədən təkcə Ukrayna yox, bütün dünya təsirlənir. Xüsusilə Afrikada böyük aclıq ehtimalına qarşı xəbərdarlıq edirik. Enerji və qida qiymətlirinin artmasına, qıtlığa səbəb Rusiyaya qarşı tətbiq olunan sanksiyalar yox, müharibədir. Aİ-nın sanksiyaları Rusiyanın qida və gübrə məhsullarını əhatə etmir. Rusiya Ukrayna taxılının ixracına mane olduğu üçün böhran yaşanır. Buna görə Rusiyanı Ukrayna limanlarının blokadasını qaldırmağa çağırırıq. BMT-nin problemə həll yolu tapacağına inanıram. Lakin Rusiya da aclıqdan müharibə silahı kimi istifadə etməməlidir. Bu müharibə cinayəti olar”- Borrell vurğulayıb.
Aİ ölkələrinin xarici işlər nazirlərinin bu gün keçiriləcək iclasının bir hissəsində Misirin xarici işlər naziri Semih Şükri də iştirak edəcək.
İclasda Ukrayna və Moldovaya namizəd ölkə statusunun verilməsi başda olmaqla məhz Körfəz ölkələri ilə xüsusilə enerji sahəsində əlaqələr də müzakirə olunacaq.
Bütün xəbərlər Facebook səhifəmizdə
USD
EUR
GBP
RUB