Okeaniyada 6 böyük və 900-dən çox kiçik adadan ibarət bir ölkə olan Solomon adaları Çinlə birlikdə təlim məşqlərinə başlayıb. ABŞ və Avstraliya regionda Çin bazasının yaradılmasından narahatdır.
ABŞ və Tayvanın Sakit okeanda gərginliyi artıran addımlarından sonra Çindən yeni bir addım gəldi.
SİA-nın əldə etdiyi məlumata görə, Solomon adaları Çin polisinin adadakı həmkarlarına təlim keçməyə başladığını açıqlanıb.
İlk təlimlər 7-11 iyun tarixlərində Kral Solomon Adaları Polis Qüvvələrinin (RSIPF) paytaxtın Honiara şəhərinin qərb ətrafı Rove şəhərindəki qərargahında keçirilib.
RSIPF bildirib ki, təhlükəsizlik problemləri artır və hələ də bu ölkəni təhdid edir. Buna görə də RSIPF bu təhdidlərlə mübarizə aparmaq üçün yaxşı hazırlaşmalıdır. Bu baxımdan həmin təlimlər kritikdir və Honiara və əyalətlərdəki bütün RSIPF zabitlərinə çatmaq üçün verilməlidir.
Təlim Çin Polisi Əlaqə Qrupunun təlimatçıları tərəfindən aparılıb.
Təlimlər aprelin sonunda Pekin və Honiara arasında imzalanan təhlükəsizlik sazişindən sonra keçirilib. Müqavilə Avstraliya və Çin arasında onsuz da gərgin olan əlaqələri daha da pisləşdirib.
Qərb Pekini Solomon adalarında hərbi baza yaratmağa çalışmaqda ittiham edib, Avstraliyanın keçmiş baş naziri Skott Morrison isə bu cür addımları “qırmızı xətt” adlandırıb.
ABŞ dövlət katibinin Şərqi Asiya və Sakit Okean məsələləri üzrə köməkçisi Daniel Kritenbrink xəbərdarlıq edib ki, belə bir irəli baza yaranarsa, Vaşinqton “əhəmiyyətli narahatlıqlar keçirəcək və bu narahatlıqlara çox təbii cavab verəcək”.
Bütün xəbərlər Facebook səhifəmizdə
USD
EUR
GBP
RUB