Amerika Birləşmiş Ştatlarının Moskvadakı və Rusiyanın Vaşinqtondakı səfirliklərinin bağlanması ehtimalı həqiqətən də mövcuddur. Lakin ABŞ-ın Rusiya Federasiyasındakı səfiri Con Sallivan bazar ertəsi, iyunun 6-da dediyi kimi, belə bir proqnozun həyata keçirilməsi səhv olacaq.
Diplomat hesab edir ki, Birləşmiş Ştatlar tərəfdən diplomatik missiyaların bağlanmasının tərəfdarlarını çətin ki, tapmaq olar.
SİA xəbər verir ki, səfir TASS-a müsahibəsində deyib: “Mən ABŞ-ın öz səfirliyini bağlamağa məcbur olmasının yeganə səbəbini təsəvvür edə bilərəm: bu, öz işini davam etdirmək təhlükəsiz olmasaydı.
Rusiya-Amerika münasibətlərinin tam pozulma ehtimalını istisna edən amerikalı diplomat tərəflər arasında əlaqə saxlamağın tərəfdarı olduğunu da gizlətməyib.
Xatırladaq ki, mayın 30-da ABŞ-ın Moskvadakı səfirliyinin immiqrant və qeyri-immiqrasiya vizalarının rəsmiləşdirilməsini dayandırdığı bildirilir. Bu, “Rusiya hakimiyyətinin tətbiq etdiyi məhdudiyyətlər”lə bağlı olub.
...Mayın 14-də Rusiyanın Vaşinqtondakı səfiri Anatoli Antonov Rusiyanın ABŞ-dakı səfirliyinin əməkdaşlarının fiziki zorakılıqla hədələndiyini bildirmişdi. Bundan əvvəl, aprelin 24-də isə o, diplomatik departamentin işinin faktiki olaraq “blokada” altında olduğunu bildirmişdi.
...İyunun 2-də Rusiya prezidentinin mətbuat katibi Dmitri Peskov Kremllə Ağ Ev arasında faktiki olaraq heç bir əlaqənin olmadığını bildirib. Eyni zamanda, mayın 20-də ABŞ Dövlət Departamentinin rəsmi nümayəndəsi Ned Prays bəyan edib ki, departament Ukrayna ətrafındakı vəziyyətlə bağlı Rusiya ilə yüksək səviyyəli danışıqlar üçün ilkin şərtlər görmür.
…Axırı xeyirliyə calansın.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB