ABŞ Ukraynaya çoxlu raket buraxılış qurğuları göndərəcək

ABŞ Prezidenti Cozef Baydenin administrasiyası Ukraynaya çoxlu sayda raket sisteləri göndərmək qərarına gəlib. Bu barədə xəbəri "The New York Times" nəşri yayıb.

SİA APA-ya istinadən verdiyi məlumata görə, ehtimal edilir ki, bunlar “M31 GMLRS” (Guided Multiple Launch Rocket System) raket sistemləridir.

Amerika “MLRS”-ləri gələn həftə elan Ukraynaya növbəti hərbi yardım paketinə daxil ediləcək.

“M31 GMLRS”-nin atəş məsafəsi, sursatdan asılı olaraq, 70 ilə 500 km arasındadır.

Belə qurğular atəşi peyklərdən düzəldən idarə olunan raketlərlə təchiz oluna bilər.

Pentaqon cümə günü bildirib ki, Birləşmiş Ştatlar Ukraynaya MLRS tədarükü ilə bağlı hələ yekun qərar qəbul etməyib. Amerika mediası qeyd edir ki, Ağ Ev bəlkə də münaqişənin genişlənməsinə səbəb olmamaq üçün hələlik tədarüklər elan etməyib.

Bütün xəbərlər Facebook səhifəmizdə

loading...