İraq hökumətinin Təhlükəsizlik Media Şəbəkəsindən verilən yazılı açıqlamaya görə, DEAŞ üzvləri bölgədə yerləşən əl-İslah kəndinə minaatanlarla hücum edib.
SİA-nın əldə etdiyi məlumata görə, açıqlamada kənddə minaatan mərmilərinin 2 evə düşməsi nəticəsində eyni ailədən bir nəfərin həyatını itirdiyi, 5 nəfərin yaralandığı bildirilib.
Açıqlamada hücum edənlərin tutulması üçün Celavla qəsəbəsi yaxınlığındakı ərazidə əməliyyat keçirildiyi, DEAŞ-ın bölgədə hücumlarının artmasından narahat olunduğu bildirilib.
Xatırladaq ki, 2014-cü ilin iyununda DEAŞ İraqın Mosul, Səlahəddin və Ənbar vilayətlərini tamamilə, Diyalə və Kərkük vilayətlərinin bir qismini ələ keçirib və bu bölgələr illər ərzində təşkilatdan geri alınıb.
İraqın keçmiş baş naziri Heydər əl-Abadi 2017-ci il dekabrın 9-da təşkilat üzərində qələbə qazandığını elan edib.
Bütün xəbərlər Facebook səhifəmizdə
USD
EUR
GBP
RUB