Türkiyәnin milli müdafiә naziri Hulusi Akar İraqın şimalında separatçı terror tәşkilatı PKK-ya qarşı hәyata keçirilәn ‘‘Pәncә Kilid’’ әmәliyyatı nәticәsindә 73 terrorçunun zәrәrsizlәşdirildiyini bildirib. SİA bu barədə Türkiyə mətbuatına istinad edir.
Milli müdafiә naziri Hulusi Akar, Türkiyә Silahlı Qüvvәlәrinin Baş Qәrargah rәisi Yaşar Gülәr vә Hәrbi Dәniz Qüvvәlәri komandanı, admiral Adnan Özbal ilә Mersindәki Aralıq dәnizi Bölgә Komandanlığında olub. Burada çıxış edәn Hulusi Akar Türkiyә Silahlı Qüvvәlәrinin terrorçulara qarşı amansız mübarizәsini davam etdirdiyini deyib.
Aprelin 18-də başladılan ‘‘Pəncə Kilid’’ әmәliyyatının planlaşdırıldığı şәkildә davam etdirildiyini ifadә edәn Hulusi Akar deyib: ‘‘Әmәliyyat nәticәsindә indiyәdәk 73 terrorçu zәrәrsizlәşdirilib. Terrorçulara mәxsus 102 mağara vә sığınacaq, hәmçinin 524 kustar üsulla hazırlanan partlayıcı mәhv edilib. Әmәliyyat zamanı 10 qәhraman hәrbçimiz şәhid olub''.
Bütün xəbərlər Facebook səhifəmizdə
USD
EUR
GBP
RUB