"Qərb ölkələri Rusiyaya qarşı isteriyanı qızışdırmağı dayandırmalıdır". SİA bu barədə rus mətbuatına istinad edir.
Bunu Rusiya Xarici İşlər Nazirliyinin sözçüsü Mariya Zaxarova fevralın 16-da paytaxt Moskvada keçirdiyi həftəlik mətbuat konfransında deyib.
M. Zaxarova ABŞ və NATO-nun Avropadakı hərəkətlərinə toxunaraq deyib:
"Qərb mediası Rusiyanın Ukraynaya hücum edəcəyi ilə bağlı təbliğat aparır. Təəssüf ki, Qərb mediası üçün müharibə başlamadı. Qərb mediası müharibənin baş verməsi üçün əlindən gələni etməyə çalışdı. Hücumun təşkil olunacağına dair heç bir sübut yoxdur. Qərb mediasında bununla bağlı oxuduğumuz hər xəbər yalandır. Həm Rusiya, həm də Ukrayna müharibənin olmayacağı ilə bağlı açıqlamalar verir. Qərb ölkələrini anti-Rusiya isteriyasını qızışdırmağı dayandırmağa çağırırıq. Bu isteriya həm də Ukraynaya qarşıdır”.
"Biz Qərbi Ukraynaya silah göndərməyi dayandırmağa çağırırıq. Bu hərəkətlər Donbas məsələsinin həllinə, Avropada təhlükəsizlik və sabitliyə mənfi təsir göstərir".
NATO-nun baş katibi Yens Stoltenberqin "Rumıniyada hərbi birləşmələr yerləşdirməyi planlaşdırdıqları" ifadəsini dəyərləndirən Zaxarova "NATO uzun müddətdir Qara dəniz bölgəsini hərbiləşdirməyi planlaşdırır. NATO bu dinc əməkdaşlıq bölgəsini geosiyasi müharibəyə və rəqabət sahəsinə çevirmək niyyətindədir" ifadələrdən istifadə edib.
Rusiyanın NATO ölkələrini təhdid etmək və ya onlara hücum etmək niyyətində olmadığını ifadə edən Rusiya sözçüsü sülhün qorunmasının tərəfdarı olduqlarını vurğulayıb.
Rusiyanın enerji sahəsində Avropa ölkələri ilə əməkdaşlığına toxunan Zaxarova ABŞ-ın təbii qaz bazarına hakim olmağa çalışdığını və buna görə də Ukrayna ətrafındakı vəziyyəti sabitsizləşdirdiyini bildirib.
ABŞ-ın “Şimal axını” qaz boru kəməri layihəsinin qarşısını almağa çalışdığını bildirən Zaxarova təbii qazı Avropaya nəql etməyə davam edəcəklərini vurğulayıb.
Bütün xəbərlər Facebook səhifəmizdə
USD
EUR
GBP
RUB