Fransanın qeyri-hökumət təşkilatı "SOS Mediterranee" həftə sonu Aralıq dənizində 24 saatdan az müddətdə 228 qanunsuz miqrantı xilas etdiyini açıqlayıb.
SİA əldə etdiyi məlumata istinadən xəbər verir ki, mərkəzi qərargahı Marseldə yerləşən "SOS Mediterranee" tərəfindən verilən açıqlamada həftə sonu QHT-yə aid "Ocean Viking" gəmisi ilə 24 saatdan az müddətdə 4 xilasetmə əməliyyatının aparıldığı bildirilib.
Açıqlamada ilk əməliyyatın şənbə günü günortadan sonra Malta sahillərində aparıldığı və ağacdan düzəldilmiş qayıqda olan 93 nəfərin xilas edildiyi bildirilib.
Fevralın 12-də gecə radələrində Liviya axtarış-xilasetmə bölgəsində bir körpə də daxil olmaqla 88 nəfərin xilas edildiyi ifadə edilən açıqlamada, fevralın 13-də səhər radələrində Malta sahillərində su basma riski olan qayıqdakı 22 nəfər ilə eyni bölgədə şüşə lifli qayıqda batmaq təhlükəsi ilə üzləşən 25 nəfərin xilas edildiyi qeyd edilib.
Açıqlamada qış və soyuq hava şəraitinə baxmayaraq qayıqla Avropaya çatmağa çalışan 49-u müşayiətsiz, 51-i uşaq olmaqla 228 qanunsuz miqrantın xilas edildiyi bildirilib.
Qeyd edək ki, dəniz axtarış və xilasetmə dərnəyi "SOS Mediterranee" 2015-ci ildə qurulduğundan 2018-ci ilin sonuna qədər "Aquarius", 2019-cu ildən etibarən "Ocean Viking" gəmiləri ilə Aralıq dənizində 34.858 nəfəri xilas edib.
Beynəlxalq Miqrasiya Təşkilatının məlumatına görə, dünyanın ən təhlükəli miqrasiya yolu olan Aralıq dənizində 2014-cü ildən bəri 17 min insan həyatını itirib və ya itkin düşüb.
Bütün xəbərlər Facebook səhifəmizdə
USD
EUR
GBP
RUB