NATO-nun baş katibi Yens Stoltenberq Rusiyanın Ukrayna və onun ətrafında hərbi mövcudluğunu artırdığını, Avropada yeni silahlı qarşıdurma riskinin olduğunu bildirib.
SİA xəbər verir ki, Stoltenberq Rumıniyaya səfəri çərçivəsində Mixail Koqalniçeanu hərbi bazasında Rumıniya Prezidenti Klaus İohannis ilə mətbuat konfransı keçirib.
Stoltenberq Rusiyanın Ukraynaya müdaxiləsi və ya münaqişə riski ilə bağlı sualı cavablandırarkən deyib:
"Hazırda görürük ki, Rusiya Ukraynada və onun ətrafında öz gücünü artırmağa davam edir. Ona görə də Avropada yeni silahlı münaqişənin real riski var".
Stoltenberq bölgədəki Rusiya əsgərlərinin sayının artdığını və mümkün münaqişədən əvvəl xəbərdarlıq müddətinin azaldığını vurğulayıb. Vəziyyətlə bağlı heç bir əminlik olmadığını qeyd edən Stoltenberq Rusiyanın Ukraynaya tamtəşəküllü müdaxiləsi riskinin olduğunu ifadə edib.
Ukraynada çoxlu sayda Rusiya kəşfiyyatçısının olduğunu və Rusiyanın daha əvvəl də Ukraynaya qarşı aqressiv hərəkətlər sərgilədiyini bildirən Stoltenberq bütün bu elementlərin sayıq olmağı tələb etdiyini bildirib.
Stoltenberq həmçinin son aylarda NATO-nun şərq cinahını gücləndirdiklərini və daha da gücləndirməyə hazır olduqlarını bildirib.
Stoltenberq bəyan edib ki, NATO-nun Avropanın şərqində və cənub-şərqində mövcudluğunu gücləndirmək planları fevralın 16-17-də Belçikanın paytaxtı Brüsseldə keçiriləcək NATO müdafiə nazirlərinin toplantısında müzakirə olunacaq.
Bütün xəbərlər Facebook səhifəmizdə
USD
EUR
GBP
RUB