Türkiyə ilə Ermənistan arasında uçuşlar fevralın 2-dən bərpa olunacaq.
SİA xəbər verir ki, 1993-cü ildən sərhədləri bağlı olan Türkiyə ilə Ermənistan arasında yaranan gərginlik səbəbindən uçuşlar təyyarə ilə həyata keçirilirdi. İki ölkə arasında hava nəqliyyatı Atlasjet tərəfindən təşkil edilən uçuşla təmin edilirdi. 2020-ci ildən bu yana şirkətin maliyyə problemləri nəticəsində müflis olması səbəbindən uçuşlar həyata keçirilmir.
Bir müddət əvvəl Türkiyə və Ermənistan nümayəndələrinin keçirdiyi görüşlər nəticəsində qarşılıqlı uçuşların başlanması qərara alınıb.
Türkiyə ilə Ermənistan arasında birbaşa uçuşların başlanması üçün Türkiyənin "Pegasus" və Ermənistanın "FlyOne" şirkətləri iki ölkənin mülki aviasiya qurumlarına müraciət edib.
Türkiyənin "Pegasus" Hava Yolları və Ermənistanın "FlyOne" şirkəti fevralın 2-də qarşılıqlı olaraq İstanbul-İrəvan reyslərinə başlayacaq.
"Pegasus" İstanbul Sabiha Gökçen Hava Limanından İrəvan Hava Limanına bazar ertəsi, cümə axşamı və şənbə günləri, İrəvan Hava Limanından isə Sabiha Gökçen Hava Limanına çərşənbə axşamı, cümə və bazar günləri uçuşlar həyata keçirəcək.
"FlyOne" isə bazar ertəsi, çərşənbə və cümə günləri İrəvandan İstanbul hava limanına uçuşlar həyata keçirəcək.
Bütün xəbərlər Facebook səhifəmizdə
USD
EUR
GBP
RUB