Rusiyanın Ukrayna sərhədində hərbi yığınağını artırması səbəbindən gərginlik artarkən, ABŞ NATO-nun şərq cinahını gücləndirmək planları hazırlayır.
SİA-nın əldə etdiyi məlumata görə, Müdafiə Nazirliyinin (Pentaqon) sözçüsü Con Kirbi böhranda gözlənilməz addımlara qarşı NATO Müdaxilə Qüvvələrinin hərəkətə keçməsi halında dəstək vermək üçün 8500 əsgəri döyüş hazırlığı vəziyyətinə gətirdiklərini bildirib.
Gündəlik mətbuat konfransında “Rusiyanın Ukrayna sərhədində gərginliyi artırdığını” bildirən Kirbi deyib:
"Prezidentin (Co Baydenin) göstərişi və müdafiə naziri katibi Lloyd Ostinin məsləhəti ilə Birləşmiş Ştatlar daxildə və xaricdə ordunu hazır hala gətirmək üçün addımlar atdı. Bu çərçivədə hərəkətə keçiləcəyi təqdirdə NATO-nun Cavab Dəstək Gücünə dəstək də daxil olmaqla bir sıra gözlənilməz duruma cavab verməyə hazırdırlar".
Kirbi hazırkı mərhələdə 8500 əsgərin döyüş hazırlığı vəziyyətində olduğunu, bu əsgərlərin yalnız NATO Müdaxilə Qüvvələrinin işə salınması ilə göndəriləcəyini vurğulayaraq, bu mərhələdə heç bir qərar verilmədiyini vurğulayıb.
Sözçü Kirbi qeyd edib ki, bu əsgərlər ABŞ-dan da, bölgədən də göndərilə bilər.
ABŞ-ın BMT-dəki daimi nümayəndəsi Linda Tomas Qrinfild isə Rusiyanı hərbi fəaliyyətdən başqa kiberhücumlar, paramiliter fəaliyyətlər və dezinformasiya kampaniyaları həyata keçirməkdə ittiham edib.
“Rusiyanın Ukraynaya qarşı fəaliyyətinin təkcə regional xarakter daşımadığını” və “Ukrayna üçün təhlükənin Ukrayna problemindən qat-qat böyük olduğunu” ifadə edən Tomas Qrinfild işğalın “Pandoranın qutusunu açacağı” xəbərdarlığını edib.
Bu arada Ağ Evin sözçüsü Cen Psaki ABŞ-ın Ukraynadakı diplomatik işçilərin ailələrinin ölkəni tərk etməsini istədiyini və Ukraynaya səyahət xəbərdarlığını ən yüksək səviyyəyə qaldırdığını xatırladıb.
"Hazırda bizim buradan təxliyə planımız yoxdur. Bununla belə, Amerika vətəndaşlarına deyirik ki, bu ölkəni tərk etsinlər"-deyə Qrinfild qeyd edib.
Bütün xəbərlər Facebook səhifəmizdə
USD
EUR
GBP
RUB