THY-nın sərnişin sayında rekord artım qeydə alınıb

2021-ci ildə Avropada hava yolu ilə səyahət edənlərin 7 faizini qəbul edən İstanbul hava limanları 2020-ci ilə müqayisədə sərnişin sayını 22 milyon artırıb. SİA bu barədə Türkiyə mətbuatına istinad edir.

Avropa Hava Naviqasiyasının Təhlükəsizliyi Təşkilatının (EUROCONTROL) hesabatına görə, keçən il təxminən 900 milyon sərnişin daxili və beynəlxalq reyslərlə səyahət edib. Bildirilir ki, Avropada 2021-ci ildə uçan bütün sərnişinlərin təxminən 7 faizi İstanbula hava limanlarında olub. Lakin 2020-ci ildə bu nisbət təxminən 5 faiz idi. Keçən il İstanbulun bütün hava limanlarında 26 milyon 713 min 191-i daxili, 35 milyon 432 min 79-u beynəlxalq reyslərdə olmaqla, 62 milyon 145 min 270 sərnişin qəbul edildi. Bu da 2020-ci ilə müqayisədə 54% artım olduğunu göstərir.

Bütün xəbərlər Facebook səhifəmizdə

loading...