"Ölkəmin qərb sərhədlərinə ABŞ hərbçiləri də daxil olmaqla Polşa və Baltikyanı ölkələri 30 mindən çox əsgər və silah yerləşdirib".
SİA xəbər verir ki, bunu Belarus prezidenti Aleksandr Lukaşenko Müstəqillik Sarayında hərbi rəsmilərlə Belarus-Rusiya birgə hərbi təlim planı ilə bağlı keçirdiyi görüşdə deyib.
Son məlumatlara görə, Polşa və Baltikyanı ölkələrin Belarus sərhədinə 30 mindən çox əsgər, texnika və silah yerləşdirdiyini qeyd edən Lukaşenko Polşanın bölgəyə hərbi texnika yerləşdirmək üçün NATO-ya müraciət etdiyini bildirib.
Lukaşenko "Bu niyə edilir? Bundan nəticə çıxa bilər. Onlar ciddi bir şeyə hazırlaşırlar. Ən azı uzun bir şeyə" ifadəsini işlədib.
Belarusun cənub sərhədlərindəki vəziyyətin də narahatlıq doğurduğuna diqqət çəkən Lukaşenko Ukrayna tərəfində hərbi birləşmələrin artdığını bildirib.
Lukaşenko Ukraynanın Belarusla sərhəddə xüsusi əməliyyat keçirdiyi və 10 minə yaxın əsgərin sərhəd bölgəsinə geri çəkildiyi barədə məlumat paylaşıb.
Dekabrda Rusiya prezidenti Vladimir Putinlə Belarusun qərb və cənub sərhədlərində hərbi təlimlər keçirmək barədə razılığa gəldiklərini xatırladan Lukaşenko bunun fevralda başlayacağını qeyd edib.
Bütün xəbərlər Facebook səhifəmizdə
USD
EUR
GBP
RUB
