Özbəkistanın hakimiyyət orqanları cümə günü koronavirusa qarşı Rusiyanın Sputnik Light peyvəndinin yeni partiyasını əldə ediblər. SİA xəbər verir ki, bu barədə respublikanın Səhiyyə Nazirliyinin mətbuat xidməti məlumat yayıb.
Qeyd olunur ki, noyabrın sonundan Özbəkistan əhalisi COVID-19-a qarşı peyvənd etmək üçün Sputnik Light vaksinindən istifadə etməyə başlayıb. Xüsusilə, Rusiya dərmanı ölkədə noyabrın 17-dən başlayan əhalinin revaksinasiyası üçün gücləndirici doza kimi istifadə olunur.
Xatırladaq ki, aprelin 1-dən Özbəkistanda əhalini koronavirusa qarşı peyvənd etmək kampaniyasına start verilib. Bu müddət ərzində 18 milyondan çox insan, yetkin əhalinin 84,5%-i vaksinin ən azı bir dozasını alıb. İyulun 19-dan respublikada ticarət, ictimai iaşə, xidmət və təhsil sahələrində çalışan 18 yaşdan yuxarı vətəndaşlar, habelə təhlükəsizlik orqanlarının əməkdaşları üçün icbari peyvəndləmə tətbiq edilib. Avqustun əvvəlində ölkədə qanunvericiliyə edilən dəyişikliklər qüvvəyə minib, işəgötürənlərə peyvənddən imtina edənləri işdən kənarlaşdırmaq hüququ verilib.
Bütün xəbərlər Facebook səhifəmizdə
USD
EUR
GBP
RUB