“Ukraynaya müdaxilə” halında Rusiya Federasiyasına qarşı sanksiyaların tətbiqi təşəbbüsləri amerikalı siyasətçilərin “Rusiya təhlükəsi” adlandırılan büdcənin “çuxuruna” yaxınlaşmaq istəyi ilə bağlıdır." SİA xəbər verir ki, bu sözləri Dövlət Dumasının beynəlxalq məsələlər komitəsinin üzvü Dmitri Belik RİA Novosti-yə açıqlamasında deyib.
Qeyd edək ki, ABŞ senatoru, Xarici Əlaqələr Komitəsinin rəhbəri Robert Menendez “Ukraynaya müdaxilə” halında Rusiya Federasiyasına qarşı sanksiyalar təklif edib və “Axios” portalı bir qədər əvvəl Konqresə təqdim edilən müdafiə büdcəsinə düzəlişin mətninə istinadən məlumat yayıb. Düzəliş ABŞ prezidentindən Rusiyanın aparıcı hərbi və kəşfiyyat işçilərinə qarşı sanksiyalar və ölkəyə giriş qadağaları tətbiq etməyi tələb edir, həmçinin, Rusiya banklarına, dövlət qurumlarına, neft-qaz sektoruna, mədənçıxarma müəssisələrinə və Rusiya Federasiyasının suveren borcunun ilkin və ikinci dərəcəli yerləşdirilməsinə qarşı sanksiyalar tətbiq etməklə Kiyevə hərbi yardımın artırılmasını təklif edir.
"Mən inanıram ki, mədəni Qərb dünyasında həmişə olduğu kimi, hər şey puldan asılıdır və yumruqlarını döyəcləyərək yeni sanksiyalar tələb edən senatorlar qrupu, sadəcə olaraq, kənarda qalıb və heç olmasa, barmaqları ilə bu işə girmək istəyirlər”, deyə Belik fikirlərini ifadə edib.
Parlamentari öz mövqeyini onunla izah edib ki, ABŞ və Qərbi Avropa ölkələri “Rusiya təhlükəsi”ndən pul qazanırlar və bəzi siyasətçilər “bu nəhəng pul axınlarına qoşulmaq və heç olmasa ciblərinə nəsə qoymaq” imkanından imtina edə bilmirlər.
“Bu, böyük müdafiə sifarişləri, “işğal olunmuş Ukraynaya yardım” və Rusiyanın siyasi cilovlanması ilə bağlıdır”, deyə o izah edib.
Bütün xəbərlər Facebook səhifəmizdə
USD
EUR
GBP
RUB