Britaniyalı həkimlər yeni növ koronavirusun “Delta” variantının peyvənd olunmuş və peyvənd olunmamış insanlar arasında ev təsərrüfatlarında necə yayıldığını aşkar ediblər. SİA xəbər verir ki, bu barədə araşdırmanın nəticələri “Lancet Infectious Diseases” jurnalında dərc olunub.
Araşdırmalardan məlum olub ki, peyvənd ev təsərrüfatında virusun ötürülmə ehtimalını təxminən 1,5 dəfə azaldır.
"Peyvəndlər xəstələri ölümdən qoruyur və ağır COVID-19-a yoluxma ehtimalını əhəmiyyətli dərəcədə azaldır. Lakin müşahidələrimiz göstərir ki, onlar Delta virusunun məişət daxilində ötürülməsinin qarşısını tam ala bilmirlər. Bunun ehtimalı xüsusilə qışda arta bilər", deyə tədqiqatın müəlliflərindən biri, London İmperial Kollecinin professoru Ajit Lalvani bildirib.
Qeyd olunur ki, yeni növ koronavirusa yoluxma hallarının təxminən 16-35%-i ev təsərrüfatında - ailədə, ümumi mənzildə və ya yataqxanada baş verir. Tədqiqatda alimlər SARS-CoV-2-nin "Delta" variantının belə şəraitdə necə davrandığını müəyyən etmək qərarına gəliblər. Təcrübədə yüngül və ya asemptomatik koronavirus infeksiyasından əziyyət çəkən 600-dən çox britaniyalı iştirak edib. Araşdırma zamanı onlardan 163-ü COVID-19-a yoluxub. Onların arasında peyvənd olunmuş və peyvənd olunmamış insanlar da olub. Alimlər təmasda olduqları insanların nə qədər tez-tez koronavirusa yoluxduğunu izləyiblər. Məlum olub ki, tədqiqat iştirakçıları xəstəlik zamanı iki yüz nəfərlə təmasda olub və əksəriyyəti peyvənd olunmuş beşə yaxın ev ailəsini və digər insanları yoluxdura biliblər. Daha sonra elm adamları virusun tam peyvənd olunmuş və peyvənd olunmamış ev təsərrüfatlarında nə qədər yayıldığını təxmin ediblər.
Mütəxəssislər vaksinlərin virusun bir ailə üzvündən digərinə keçmə ehtimalını təxminən 1,5 dəfə azaltdığını müəyyənləşdiriblər. Belə ki, peyvənd olunmamış ev təsərrüfatlarında bu cür infeksiyalar 38% hallarda baş verib, peyvəndlər olduqda isə bu ehtimal 25%-ə düşüb. Həkimlər təkrarlayırlar ki, peyvənd ağır xəstəliklərdən və ölümdən qorunmağın yeganə yoludur.
Bütün xəbərlər Facebook səhifəmizdə
USD
EUR
GBP
RUB