1953-cü ildən taxtda oturan II Elizabet bu gün demək olar ki, Birləşmiş Krallığın "armaturu" sayılır. 95 yaşlı II Elizabetdən sonra taxta anasından əvvəl ölməsə oğlu Şahzadə Çarlzın keçəcəyi gözlənilir. Bəs 70 ildir taxtda olan Kraliça II Elizabet öldükdən sonra nə olacaq? Sızan sənədlər də Krallıqda əsas mövzunun bu olduğunu diktə edir.
1953-cü ildə atasının ölümündən sonra taxta çıxan Elizabetin əslində, taxta çıxmaq şansları bir az çox idi. Əmisi Edvard 1937-ci ildə taxtdan getdikdən sonra atası Corc taxta çıxmışdı və Elizabet varis olmuşdu. Atasının ölümündən sonra Elizabet taxtın yeni sahibi oldu. İkinci Dünya Müharibəsindən sonra Böyük Britaniyanın yenicə dirçəlməyə başladığı bu dövrdə kraliça oldu və təxminən 70 ildir ki, hökmranlıq edir. Müharibələr, hadisələr, dəyişən ölkələr, baş nazirlər, nazirlər, krallar hamısı onun hakimiyyəti dövründə baş verdi. Dəyişməyən tək şey II Elizabetdir.
1926-cı il təvəllüdlü, II Elizabet 100 yaşına yaxınlaşdıqca İngiltərə və ingilislər onun hər an ölə biləcəyi vəziyyətə hazırlıq görürlər. Yaşanacaq vəziyyətləri "London Körpüsü" adlı əməliyyatla müqayisə edirlər.
II Elizabetin ölümündən sonra "London Bridge" əməliyyatı başlayacaq. Hər şeydən əvvəl, ölüm xəbəri "London körpüsü çökdü" şəklində İngiltərənin Baş nazirinə çatdırılacaq. Daha sonra bu məlumatlar Kraliçanın idarə etdiyi 15 ölkəyə və Millətlər Birliyinə daxil olan 36 ölkəyə gizli bir xəttlə veriləcək. Məlumatda "London körpüsü çökdü" mesajı veriləcək.
Davam edən prosesdə Şahzadə Çarlz əvvəlcə "kral" elan ediləcək. Yas saxlamağa vaxt tapmadan Kral Çarlz xalqa baş verənlər haqda danışacaq. Bundan sonra qısa görüşlər keçirmək üçün ölkənin müxtəlif bölgələrinə səfər edəcək.
Kraliçanın ölümündən sonra bizə tanış olan bir ənənə işə düşür. BBC ağ loqosunu qara rəngə dəyişəcək, əyləncə proqramları kəsiləcək, yalnız yas bitənə qədər Kraliçanın ölümü və həyatı ilə bağlı proqramlar yayımlanacaq. Yalnız BBC deyil, bütün yayımçılar proqramlarında dəyişiklik edəcəklər. Hər kəs Kraliça haqqında məlumatlarla təchiz olunacaq. Ölümündən sonra Kraliça II Elizabet sənədli filmləri kanalları dolduracaq. Bu adi bir haldır, əvvəllər təkcə Kraliça üçün deyil, bütün dünyada əhəmiyyətli insanlarla bağlı hazırlanan filmlər ölümündən sonra nəşr olunmaq üçün arxivlərdə saxlanılır.
Bütün bu tədbirlərə əlavə olaraq, ölkədə mağazalar, ticarət mərkəzləri və birjalar bir gün bağlı olacaq. Bu isə İngiltərə üçün milyardlarla funt zərər deməkdir. Həm də təkcə ölümdə deyil, həm də tac mərasimində. Yenə İngiltərəni milyardlarla ziyan gözləyir.
Ölümdən sonra Kraliçanın tabutu Bukingem Sarayına gətiriləcək və 4 gün orada saxlanılacaq. Bu vaxt cənazənin yanına heç kim buraxılmayacaq. 4 günün sonunda tabut Kral ailəsinin ziyarəti üçün açılacağı Westminster Sarayına aparılacaq. Ailənin ziyarətindən sonra tabut xalqa açılacaq. Təbii ki, bu ziyarət muzey ziyarətinə bənzəmir. Bu səfərlər böyük bir təhlükəsizlik şəbəkəsi və təşkilatçılığı ilə həyata keçiriləcək. Əlini yelləyib "Salam, mən burdayam, Kraliçam" deməyə icazə veriləcək.
İngilis funt-sterlinqində də dəyişiklik olacaq. Adətən pulun üzərində hansı monarxın dövrü olduğunu ifadə edən şəkil çap olunur. Bu səbəbdən, taxta çıxması gözlənilən Şahzadə Çarlzın şəkilləri əskinaslarda çap olunacaq. Kraliçanın şəkilləri çap olunan sterlinqlər zaman keçdikcə dövriyyədən çıxarılacaq.
Böyük bir sərvətin xərclənəcəyi tacqoyma mərasimi Kraliçanın ölümündən ən az bir il sonra keçiriləcək. Təbii ki, bu müddət ərzində Çarlz "kral" titulundan istifadə etməyə davam edəcək.
Bütün xəbərlər Facebook səhifəmizdə
USD
EUR
GBP
RUB