...Belarusun yenidən “Rusiyanın tərkibinə qatılması” təbii ki, əksər belaruslar tərəfindən birmənalı qarşılanmayıb. Amma buna baxmayaraq, ölkədə Belarus liderinin bu addımını təqdir edənlər də yox deyil.
“Belarusiya və Rusiyanın Birlik Dövləti çərçivəsində birlik proqramlarının həyata keçirilməsi, birincinin nə siyasi, nə də iqtisadi suverenliyinin itirilməsini nəzərdə tutmur”.
Qeyd edək ki, bu fikirləri Belarusun Baş naziri Roman Qolovçenko “Belarus-1” telekanalına verdiyi açıqlamasında bildirib.
“Vəzifələr tez -tez dəyişdiyindən tədbir mərhələsində sızmalara bilərəkdən icazə vermədik. Belarusiya və Rusiya cəmiyyətini fərziyyələrə əsas verməyəcək hazır bir versiya ilə tanış etmək istədik. Dünən Rusiya baş naziri ilə müqavilələrimizi dövlət başçılarından daha geniş şəkildə təqdim etmələri bir çox sualları aradan qaldırdı. Birlik proqramları çərçivəsində həyata keçiriləcək tədbirlərin heç biri Belarusun siyasi və ya iqtisadi suverenliyinin məhdudlaşdırılmasını və ya itirilməsini nəzərdə tutmur”-deyə belaruslu baş nazir bəyan edib.
Xatırladaq ki, daha əvvəl Birlik Dövlətinin Nazirlər Şurasının iclasında Rusiyanın Baş naziri Mixail Mişustin Rusiyanın Belarus ilə əməkdaşlığı yeni bir səviyyəyə qaldırmaqda maraqlı olduğunu, vahid iqtisadi məkan yaratmağı hədəflədiyini bildirmişdi.
“Biz əməkdaşlığımızı yeni bir səviyyəyə qaldırmaqda və Birlik Dövlətində inteqrasiya proseslərinə əlavə bir təkan verməkdə səmimi maraqlanırıq”. Bunu isə rusiyalı baş nazır bildirib.
Mişustinin sözlərinə görə, 2023 -cü ilə qədər Birlik Dövlətinin qurulması haqqında müqavilənin müddəalarının həyata keçirilməsinin əsas istiqamətləri və 28 sektor birliyi proqramı təsdiqlənməlidir. Yəni sənədlər artıq razılaşdırılıb və imzalanmağa hazırdır.
Rusiyalı baş nazirin qeyd etdiyi kimi, yaxın gələcəkdə sənədlər Prezidentlər Vladimir Putin və Aleksandr Lukaşenkonun rəhbərliyi ilə Ali Dövlət Şurası tərəfindən təsdiqlənəcək. “Bu, Rusiya-Belarusiya inteqrasiyasını gücləndirmək və birgə iş üçün etibarlı hüquqi zəmin yaradacaq” deyən baş nazir, iki ölkənin ortaq məqsədinin “hər iki ölkənin hər bir vətəndaşının həyat səviyyəsini yüksəltmək” olduğunu söyləyib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB