Vaşinqtonda ABŞ Prezidenti Cozef Baydenin ukraynalı həmkarı Vladimir Zelenski ilə görüşü başlayıb.
İki lider arasında ilk ünsiyyət çərçivələri artıq internetdə görüntülənib. Görüşdə söz alan Ağ Evin rəhbəri Kiyevlə Vaşinqtonu ümumi dəyərlərin birləşdirdiyini bildirib. Onun sözlərinə görə, son 30 il ərzində, yəni Ukraynanın müstəqilliyinin elan olunmasından bəri ikitərəfli tərəfdaşlıq "çox güclü" hala gəlib.
Qeyd edək ki, görüş zamanı Bayden Ukraynanı ziyarət etmək istədiyini bildirib.
Yeri gəlmişkən bildirək ki, ABŞ prezidentinin oğlu Hunter Bayden Ukraynanın "Burisma" firması ilə qalmaqalda yer alıb. Cozef Bayden isə hələ də bunu respublikaçı Donald Trampın "çirkli oyunu" kimi qiymətləndirir.
“Bloomberg”in verdiyi məlumata görə, Vaşinqtonda Ukrayna lideri ilə görüşü zamanı Bayden "Rusiyanın yaratdığı təhlükə" ilə əlaqədar olaraq ABŞ -ın Ukraynanın suverenliyinə bağlı olduğunu bir daha təsdiqləyib. Zelenski, Baydenin azad edilməsinə kömək etməsi üçün "işğal altındakı" Krımda və Donbasda tutulan 450 ukraynalı əsirin siyahısını Amerika administrasiyası rəhbərinin nümayəndələrinə təhvil verdiyini söyləyib.
Prezident Bayden, ukraynalı həmkarı ilə "Ukraynanın enerji sektorunun şaxələndirilməsi" mövzusunu da müzakirə etmək niyyətindədir.
Bu arada “Die Welt”-n yazdığına görə, Kiyevin Almaniyadakı səfiri Andriy Melnik, “Şimal axını-2” qaz kəmərinin işə salınacağı təqdirdə Berlin və Vaşinqtondan zəmanət tələb edib.
“Ukraynanın ABŞ və Almaniyanın zəmanətlərinə ehtiyacı yoxdur, əksinə təhlükəsizlik baxımından xüsusi və məcburidir. Ən yaxşısı, NATO -ya erkən üzvlük çərçivəsindədir”
Qeyd edək ki, bu isə ukraynalı səfirin nəşrə verdiyi cavab kimi təqdim olunur.
Onu da bildirək ki, Amerika lideri ekstremistlər tərəfindən əsir götürülmüş ABŞ əsgərlərinin Əfqanıstandan çıxarılması ilə məşğul olduğu üçün Zelenskinin Baydenlə danışıqları iki günə təxirə salınmışdı.
Ağasəf
Bütün xəbərlər Facebook səhifəmizdə
USD
EUR
GBP
RUB