Dünya hələ də koronavirusa qalib gəlmədən Hindistandan gələn bir xəbərdən şokdadır. SİA-nın xarici mətbuata istinadən verdiyi məlumata görə, Uttar Pradeş əyalətində yeni bir xəstəlik görülüb. Mütəxəssislərin hələ adını bilmədiyi və ictimaiyyət arasında “əsrarəngiz bir xəstəlik” olaraq xarakterizə edilən epidemiya, 68 adamın həyatına son qoyub. İlk məlumata görə, həyatını itirənlərin 40-ı uşaqdır. Mütəxəssislər, qəti bir nəticəyə gəlməyin hələ tez olduğunu, ancaq riyazi olaraq bu xəstəliyin uşaqlarda daha ölümcül ola biləcəyini vurğulayıblar. Yerli mətbuatın yazdığına görə, əyalətdə ən çox zərər çəkən bölgə Firozabad bölgəsidir.
Qeyd edək ki, qanunverici orqanın üzvü Manish Asija, xəstəliyin yayılmasının səbəbini "gigiyena çatışmazlığı" olaraq göstərib və bölgədəki vəziyyəti "narahat" olaraq xarakterizə edib.
Bütün xəbərlər Facebook səhifəmizdə
USD
EUR
GBP
RUB