Amerika Birləşmiş Ştatları, öz strukturlarını haker hücumlarından qorumaqda həqiqətən maraqlı olduqları təqdirdə, Rusiya ilə kiber təhlükəsizlik sahəsində müqaviləni ən qısa zamanda bağlamağa çalışacaq. SİA xəbər verir ki, bu sözləri Federasiya Şurasının beynəlxalq komitəsinin üzvü Sergey Sekov RİA Novostiyə müsahibəsində söyləyib.
Qeyd edək ki, bir qədər əvvəl Amerikalı “Wired” nəşri kibertəhlükəsizliyi izləyən “Huntress” şirkətinin məlumatlarına istinad edərək ən azı 200 Amerika şirkətinin bəzi üzvlərinin Rusiyada yerləşdiyi iddia edilən “Revil” haker qrupu tərəfindən törədilmiş bir haker proqramı virusunun hücumuna məruz qaldığını yazmışdı.
"Rusiya və ABŞ başçılarının zirvə görüşündən təxminən 20 gün keçib. Ancaq ABŞ-da bir çoxları iqtisadi, ideoloji səbəblərdən Moskva ilə Vaşinqton arasındakı münasibətlərin yaxşılaşdırılmasında maraqlı deyillər. Buna görə də, Rus hakerlərin kiberhücumlarda iştirak etdiyi iddia edilən təxribat xarakterli ifadələr, bu cür siyasi yanaşma ortaya çıxır", deyə parlamentari bildirib.
O, qeyd edib ki, bu cür faktların təsdiqlənməsi çətin olduğu bir sahə belə qəsdən seçilir.
"Əgər ABŞ həqiqətən kiber təhlükəsizliyini təmin etməkdə maraqlı olsaydı, bu sahədə ortaq əməkdaşlıq qaydalarını hazırlamaq üçün danışıqlar masasında Rusiya ilə oturmaqdan çəkinməzdi. Ancaq Vaşinqtondan bu istiqamətdə irəliləyiş görmürəm", deyə Sekov əlavə edib.
Xatırladaq ki, Rusiya və ABŞ liderləri Vladimir Putin və Co Baydenin ilk görüşü 16 iyun tarixində Cenevrədə baş tutub. Nəticədə Putin, Bayden ilə idarələrarası səviyyədə strateji sabitlik mövzusunda məsləhətləşmələrə başlamaq barədə razılığa gəldiyini söyləyib. Onun sözlərinə görə, hər iki ölkə dünyada strateji sabitlik üçün xüsusi məsuliyyətlərinin fərqindədirlər.
Bütün xəbərlər Facebook səhifəmizdə
USD
EUR
GBP
RUB