İndi İranın seçkiqabağı vəziyyəti ilə əlaqəli olanlar da daxil olmaqla İranın nüvə proqramı ilə bağlı razılaşmanın bərpasında heç bir həll edilə bilməyəcək çətinlik ola bilməz. SİA RİA Novostiyə istinadən xəbər verir ki, bu sözləri Rusiya xarici işlər nazirinin müavini Sergey Ryabkov çərşənbə günü söyləyib.
O, Vyanadakı danışıqların "özlərinə görə sürət qazandığını" qeyd edib.
"Görünür, yaxın günlərdə yekun sənəd adlandırıla bilən işlər davam edəcək", deyə Ryabkov jurnalistlərə açıqlayıb.
"Görmürəm ki, indi bu yolda aşılmaz çətinliklər var, xüsusən də seçkilər ərəfəsində İrandakı vəziyyətin inkişafı ilə bağlı çətinlikləri nəzərdə tuturam", deyə Ryabkov əlavə edib.
Ryabkov Rusiya nümayəndə heyətinin "son nəticənin əldə edilməsini sürətləndirmək üçün" mümkün olan hər şeyi etdiyini vurğulayıb.
"Təxirə salmaq üçün heç bir səbəb yoxdur, xüsusən də həll olunmamış məsələlər olmasına baxmayaraq, bunların çoxunun olduğunu da söyləmək olmaz", deyə Rusiya Federasiyası xarici işlər nazirinin müavini fikirlərini yekunlaşdırıb.
Xatırladaq ki, Avstriyanın paytaxtı aprel ayından bəri nüvə razılaşma komissiyasının iclaslarına ev sahibliyi edir. May ayının sonunda beşinci tur başlayıb. Rusiya danışıqlar heyətinə rəhbərlik edən Mixail Ulyanovun sözlərinə görə, danışıqların beşinci raundu son danışıqlar da ola bilər.
Diqqətə çatdıraq ki, 2015-ci ildə İngiltərə, Almaniya, Çin, Rusiya, ABŞ, Fransa və İran Birgə Hərtərəfli Fəaliyyət Planı imzalayıblar. Razılaşma, Tehranın nüvə silahını almamasının qarantı olaraq İranın nüvə proqramını məhdudlaşdırması qarşılığında sanksiyaların ləğv edilməsini nəzərdə tuturdu. 2018-ci ilin may ayında ABŞ-ın o zamankı prezidenti Donald Tramp birtərəfli qaydada geri çəkilməyə və Tehrana qarşı sərt sanksiyaları bərpa etməyə qərar verib. Buna cavab olaraq, İran nüvə tədqiqatları və uran zənginləşdirmə səviyyəsindəki məhdudiyyətlərdən imtina edərək, müqavilədəki öhdəliklərinin mərhələli şəkildə azaldığını elan edib.
Bütün xəbərlər Facebook səhifəmizdə
USD
EUR
GBP
RUB