Çexiya, absurd arqumentlərdən istifadə edərək ikitərəfli münasibətlərin pozulmasına görə məsuliyyəti Rusiya Federasiyasının üszərinə atmağa çalışır. SİA RİA Novostiyə istinadən xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Qeyd olunur ki, bir qədər əvvəl Çex Respublikası baş nazirinin birinci müavini və daxili işlər naziri Yan Hamacek 2014-cü ildə Vrbetisada silah anbarlarında baş verən partlayışlar nəticəsində yerli sakinlərin vurduğu ziyanı ödəmək üçün hökuməti bir yol düşünməyə dəvət etməyi planlaşdırdığını söyləyib.
Zaxarova isə qeyd edib ki, Çex Respublikasından elə açıqlamalar gəlir ki, bunun üçün "rasional bir izahat" tapmaq çətindir.
"Artıq o həddə qədər razılıa gəlinib ki, guya Rusiya istintaqı tamamlanmayan hadisənin nəticələrinı görə milyardlarla dollar təzminat ödəməlidir, hansıki, özləri də Praqada baş verənlərin səbəblərini müəyyənləşdirə bilmirlər. Absurd mübahisələr yöndəmsiz görünür", deyə Xarici İşlər Nazirliyinin sözçüsü bir şərhində əlavə edib.
Zaxarovaya görə, "destruktiv hərəkət"in başlanğıcı, "normal şəkildə işləməsinə mane olan hər cür maneəni dəf etməkdə Rusiya səfirliyinin işini sistematik olaraq çətinləşdirən" Çexiya tərəfindən bir neçə ildir qoyulub.
Xarici İşlər Nazirliyinin rəsmi nümayəndəsi nümunə olaraq 2020-ci ilin aprelində Praqa xilaskarı, Sovet İttifaqının Marşalı Konevə ucaldılmış abidənin sökülməsini və Rusiya diplomatik nümayəndəliyinin iki əməkdaşının ölkədən çıxarılmasını, zəhərlənmənin planlaşdırıldığını deyib.
Zaxarova vurğulayıb ki, Çex tərəfi "nəhayət öz uydurmalarında belə dolaşıq, çaş-baş qalıb".
Xarici İşlər Nazirliyinin sözçüsü, "Gəlin görək partnyorlarımızın fikirləri üstünlük təşkil edirmi?", deyə sual edib.
Xatırladaq ki, 2014-cü ildə, Çex Respublikasında, Vrbetitsadaki bir sursat anbarında baş verən partlayışda Rusiya xüsusi xidmət orqanları şübhəli bilinir. Bu ölkənin səlahiyyətliləri 17 aprel 2021-ci ildə on səkkiz rus diplomatının Praqadan qovulacağını elan ediblər. Buna cavab olaraq Rusiya, Çexiyanın Moskvadakı səfirliyinin iyirmi işçisini “persona non grata” elan edib. Rusiya Xarici İşlər Nazirliyi, Çexiya Vrbetitasındakı partlayışda Rusiya xüsusi xidmət orqanlarının iştirakı ilə bağlı açıqlamaları absurd və əsassız adlandırıb. Kreml Praqa davranışlarını ikitərəfli münasibətlər üçün əsassız və dağıdıcı kimi qiymətləndirir.
Bütün xəbərlər Facebook səhifəmizdə
USD
EUR
GBP
RUB