Ermənistanla Xarici İşlər Nazirliyində Azərbaycanla sərhədlərin demarkasiya və delimitasiya sənədinin imzalanması barədə məlum olduqdan sonra gərgin bir vəziyyət yaranıb. SİA bu barədə "Hraparak" qəzetinə istinadən yazır.
Nəşr qeyd edir ki, Ermənistanın XİN başçısı Ara Ayvazyan sənəd haqqında KTMT Nazirlər Şurasının iclasında iştirak etdiyi Düşənbədə olarkən öyrənib. Müavini Avet Adonts əvvəllər Gorisdə jurnalistlərə açıqlamasında Xarici İşlər Nazirliyinin razılaşmanın hazırlanmasından xəbərdar olmadığını söyləmişdi. Bütün bunları səbəb imi irəli sürən XİN başçısı və müavini baş nazirin bu addımından son dərəcə narazı olduqlarını artıq gizlətmirlər və istefa barədə düşünürlər.
Qəzetin yazdığına görə, Düşənbədə Ayvazyan digər ölkələrdən olan həmkarlarına İrəvana qayıtdıqdan sonra istefa verəcəyini deyərək onlarla vidalaşıb.
Paşinyan hakimiyyəti isə öz növbəsində, istefanın qarşısını almağa çalışır və hətta Ayvazyanın könlünü almaq üçün "son vaxtlar XİN rəhbəri və əməkdaşları misli görünməmiş işlər görürlər" ifadəsini işlədib. "Hraparak" da qeyd edir ki, Ayvazyan sənədin hazırlanmasında ümumiyyətlə iştirak etməyib, yalnız baş nazirin yaxın ətrafı və təhlükəsizlik qüvvələri bu prosesə cəlb olunub.
Bəzi şayiələrə görə, Nikol Paşinyan diplomatik korpusdan gizli danışıqlar aparırdı, bunları yalnız Baş nazirin müavini Tiqran Avinyan və Baş nazir administrasiyasının rəhbəri Arsen Torosyan bilirdi. Sənədə görə, Paşinyanın "Tavuş bölgəsindəki 5-6 kəndi (Burada Azərbaycana aid 12 kənddən söhbət gedir), Ararat bölgəsindəki Tiqranaşen (Kərki) kəndini və bir neçə vacib yüksəkliyi Azərbaycana təhvil verəcəyi" barədə şayiələr dolaşır.
20 may tarixində keçirilən hökumət iclasında Baş nazir Azərbaycan və Rusiya ilə danışıqlar zamanı hazırladığı sənədi imzalayacağı barədə məlumatı təsdiqlədiyini bildirib və müqavilənin Ermənistanın maraqlarına tam cavab verdiyini deyib. Bundan əvvəl Vatikandakı keçmiş səfir və keçmiş prezidentin Sarkisyanın kürəkəni Mikael Minasyan Nikol Paşinyanın Azərbaycan əsgərlərinin Ermənistan ərazisindən çıxarılması müqabilində yeni sərhəd və ərazi güzəştləri prinsipləri ilə razılaşdığını bildirib. Eyni zamanda, Minasyan Xarici İşlər Nazirliyinin rəhbəri Ara Ayvazyanın sənədi imzalamaqdan imtina etdiyini də müdafiə edib.
Bütün xəbərlər Facebook səhifəmizdə
USD
EUR
GBP
RUB