Gürcüstanda hakim "Gürcü Arzusu" partiyası ilə müxalif partiyalar arasında siyasi böhrandan çıxılması ilə bağlı razılaşma imzalanıb.
SİA xəbər verir ki, Gürcüstan Prezidentinin Orbeliani sarayında keçirilən mərasimdə Prezident Salome Zurabişvili, ABŞ-ın bu ölkədəki səfiri Kelli Deqnan, Avropa İttifaqının səfiri Karl Hartzel iştirak edib.
Avropa İttifaqı Şurasının prezidenti Şarl Mişel mərasimə onlayn qatılıb. Razılaşmanı müxalif partiyalar arasında "Aqmaşenebeli Strategiyası", "Lelo", "Girçi", "Aleko Elisaşvili - Vətəndaşlar" müxalif partiyaları, həmçinin müxalif liderlər Davit Bakradze və Salome Samadaşvili individual qaydada imzalayıb. Ölkənin ən böyük müxalif partiyaları olan "Vahid Milli Hərəkat" və "Avropalı Gürcüstan" partiyaları isə bu mərhələdə razılaşmanı imzalamayıblar.
Aİ Şurası Prezidenti Şarl Mişel razılaşmasının imzalanması ilə Gürcüstanda siyasi böhranın başa çatdığını qeyd edib. Bildirib ki, imzalanan sənəd yekun xarakter daşımasa da, Gürcüstanda demokratiyanın gücləndirilməsi, ölkənin Avro-Atlantik inteqrasiyası baxımından mühüm önəmə sahibdir. O, razılaşmanı imzalayan siyasi partiyaların ölkənin və xalqın mənafeyini siyasi maraqlardan üstün tutduğunu qeyd edib.
Qeyd edək ki, Şarl Mişelin ötən gün tərəflərə təqdim etdiyi yeni razılaşmada siyasi məhbus sayılan şəxslərin həbsdən azad edilməsi və 2022-ci ildə potensial növbədənkənar seçikilərin keçirilməsi kimi müddəalar yer alıb.
Avropa İttifaqı (Aİ) Şurasının prezidenti Şarl Mişel sabah Gürcüstana səfər edəcək.
SİA xəbər verir ki, o, bu barədə Gürcüstanda siyasi tərəflər arasında böhrandan çıxılması ilə bağlı razılaşmanın imzalanma mərasimində onlayn iştirakı zamanı bildirib.
Qeyd edib ki, səfəri çərçivəsində Tbilisidə siyasi partiyaların nümayəndələri ilə görüşlər keçirəcək, Aİ ilə Gürcüstan arasında bağları gücləndirəcək gələcək addımlar barədə müzakirələr aparacaq.
Bütün xəbərlər Facebook səhifəmizdə
USD
EUR
GBP
RUB
