Ilk olaraq xatırladım ki, hələ 2017-ci ildə Almaniyanın "Bild" nəşri Rusiyanın həmin ərəfədə keçirdiyi hərbi təlimlərə münasibət bilirərkən, bu təlimləri rusların Avropada NATO qüvvələrinə qarşı tam ölçülü ənənəvi müharibə üçün "məşq" kimi dəyərləndirmişdi.
SİA xarici mətbuata istinad edir.
Bu günlərdə isə, İsveçin "Aftonbladet" nəşri hazırkı dövrü ən təhlükəli məqam kimi, təqdim edərək, NATO-nun hər an Rusiya tərəfindən hücuma məruz qala biləcəyini istisna etmir. Maraqlıdır ki, avropalı hərbi analitiklər Rusiyanın Qərbdəki NATO qüvvələrindən üstünlüyünü bu gün də qoruyub saxladığını iddia edirlər. Onların fikrincə, NATO-ya məxsus Avropa ordusu hələ də pis vəziyyətdədir. Bəlkə də elə buna görədir ki, Rusiya Baltik dənizi bölgəsindəki quru üstünlüyünü hələ də qoruyub saxlamaqdadır. Amma buna baxmayaraq, avropalı hərbi analitiklər bəzi məqamlarda Qərb ölkələrini irəlidə görürlər. Onların fikrincə, Rusiyanın NATO üzərindəki üstünlüyü ildən-ilə azalmaqdadır.
Qeyd edək ki, hələ 2016-cı ildə RAND hərbi-sənaye düşüncə mərkəzinin hazırladığı bir hesabat böyük marağa səbəb olmuşdu. Xatırladaq ki, həmin ərəfədə Baltikyanı ölkələrdə simulyasiya edilmiş müharibə zamanı Rusiya bir neçə gün ərzində Baltikyanı ölkələrini məğlub etdi və Qərbin o dövrdə mövcud olan kiçik qüvvələri bununla əlaqədar bir şey edə bilmədi.
Əslində bu nəticəni nəzərə alsaq, onda İsveç Müdafiə Tədqiqatları İnstitutunun son hesabatında bəhs etdiyi müharibənin yeni ssenarisi gözlənilməzdir. Bu simulyasiya Rusiya ilə NATO arasındakı güc nisbətinin bərabər olacağını göstərir.
Doğrudur, burada da bəzi istisnalar var. Məsələn, onlar hələ də rusların quruda böyük bir üstünlük qazanacaqları bildirilir.
Buna baxmayaraq, onların ehtimalına görə, ümumilikdə, NATO-nun hərbi mənbələri Rusiyadakından çox üstündürlər. Demək lazımdır ki, ABŞ müdafiə üçün ruslardan yeddi dəfə, digər bütün NATO ölkələri üç dəfə çox vəsait xərcləyirlər.
Ancaq bütün bunlara baxmayaraq, Şərqi Avropa təcrid olunarsa, döyüş hazırlığı zamanı Rusiyanın üstünlüyü olacaq.
Məsələn, İsveç Müdafiə Tədqiqatları İnstitutunun verdiyi məlumata görə, Rusiya bir həftə ərzində 51-dən 68-ə qədər mexanikləşdirilmiş tabur, NATO isə cəmi 29-43 toplayaraq Şimali Avropaya göndərə bilər. Bundan əlavə, Rusiyanın başqa üstünlükləri də var:
- Ağır silahlara və daha yaxşı müdafiə və atəş gücünə sahib daha böyük quru bölmələri;
- daha çox topçu, yerüstü hava hücumundan müdafiə sistemləri və elektron müharibə aparmaq bacarığı;
- Ruslar ölkələrin sərhədlərinə daha yaxındırlar, ona görə möhkəmlətmə almaq daha asandır.
Rusiya ilə müqayisədə, Qərb hərbi ittifaqının yüksək intensivli qarşıdurma üçün təlim keçmiş və daha az birləşməyə sahib olduğu təxmin edilir. Ayrıca, fərqli ölkələrdə yerləşdikləri və fərqli əmrlərə tabe olduqları üçün işləri daha az koordinasiya olunur.
Ancaq NATO-nun da öz kozırları var. Belə ki, ittifaqın dənizdə, ilk növbədə havada üstün olduğu ehtimal olunur.
Dərhal döyüşə atıla bilməyən quru qüvvələrindən fərqli olaraq, NATO təyyarələri eyni anda bir neçə ölkədən çox sürətli bir şəkildə döyüşə girə bilərlər.
Bəzi təxminlərə görə, Qərbin ümumi atəş gücünün 80 faizə qədəri Hərbi Hava Qüvvələrinin payına düşdüüyünü gizlətməyən Müdafiə Araşdırmaları İnstitutu ehtiyatla da olsa qeyd edir ki, NATO-nun quru hücum təyyarələri "Ural ordusunun qərbindəki Rusiya ordusunun böyük hissəsini bir neçə gündə məhv edə bilər".
…Təbii ki, NATO-nun hələ də ABŞ-dan çox asılı olduğu etiraf edilməlidir. Doğrudur, Polşa, İngiltərə və Almaniya kimi böyük Avropa dövlətlərinin kifayət qədər böyük hərbi qüvvələri olsa da, amma, vəziyyətləri elə də ürəkaçan deyil. Deyilənə görə, onların yenidən formalaşdırılması 2033-cü ilə kimi tamamlanacaq. Amma, avropalı hərbi analitiklər bu işin artıq heç bir əhəmiyyəti olmaya biləcəyini də gizlətmirlər. Bütün bunlara baxmayaraq sual yarana bilər, görən, NATO güclüdür, yoxsa Rusiya?
Ağasəf Babayev
Bütün xəbərlər Facebook səhifəmizdə
USD
EUR
GBP
RUB