Pentaqonun yeni rəhbəri və Böyük Britaniyanın müdafiə naziri arasında telefon danışığı olub

Pentaqonun yeni rəhbəri Lloyd Ostin və Böyük Britaniyanın müdafiə naziri Ben Uolles arasında telefon danışığı baş tutub. SİA xəbər verir ki , bu barədə ABŞ Müdafiə Nazirliyinin mətbuat xidmətinin rəhbəri Con Kirbinin bəyanatında deyilir. Bəyanatda bildirilir: "Nazirlər COVİD-19-a qarşı tədbirlər, gücü artmaqda olan Çinlə bağlı narahatlıqlar, Rusiya tərəfindən təhdidlər, İraq və Əfqanıstandakı əməliyyatlar da daxil olmaqla qarşılıqlı maraq doğuran strateji məsələləri müzakirə ediblər". Telefon danışığı zamanı L.Ostin NATO razılaşmaları çərçivəsində krallığın müdafiə xərclərinin artırılmasının vacibliyini də qeyd edib: "Nazir Böyük Britaniyaya müdafiə tərəfdaşlığımıza bağlılığa görə təşəkkür edib və ABŞ-ın NATO-ya bağlılığını vurğulayıb".

Bütün xəbərlər Facebook səhifəmizdə