İqor Korotçenko: “Ümid edirəm ki, Baydenin soruşmadan düymələrə basmasına icazə verilməyəcək”
ABŞ-da Baydenin prezidentliyi Rusiyanın vəziyyətinə necə təsir edə bilər. Hərbi ekspert, Milli Müdafiə jurnalının baş redaktoru İqor Korotçenko Pravda.ru-nun baş redaktoru İnna Novikovaya videomüsahibəsində bu məsələ haqda fikirlərini bildirib. Müsahibənin həmin hissəsini oxucularımıza təqdim edirik.
- Bayden ABŞ seçkilərində qalib gəldi. Çox aqressivdir və Rusiyanı bəyənmir. Okeanın o tayındakı çağırışlara necə cavab verə bilərik?
- Bu Konstantin Ustinoviç Çernenkonun yaşında bir adamdır. Sovet xalqı, hamımız Çernenkonu Movzaleyin tribunasında xatırlayırıq. Liderlərimiz tez-tez ölürdü, yeniləri gəlirdi, sonra təəssüf ki, Qorbaçov gəldi və Sovet İttifaqını dağıtdı.
Eynilə təqaüdçü, Amerika Siyasi Bürosunun üzvü ABŞ prezidenti oldu. Arvadı ilə bacısını qarışdırır, adlarını unudur. Ancaq bu şəxs ABŞ-ın ən yüksək rəsmi statusunu alacaq, əlində nüvə çemodanı olacaq. Ümid edirəm ki, soruşmadan düymələrə basmasına icazə verilməyəcək. Burada bizim üçün əsas təhlükə ABŞ-ın hərbi fəaliyyəti deyil, Baydenin Rusiyaya qarşı yeni sərt iqtisadi sanksiyalar tətbiq edilməsinə inandırılması halında SWIFT sistemi ilə əlaqəmizi kəsməyimizdir. Bu, dünya banklararası hesablaşma sistemidir.
- Ancaq bunlar intihar deyil, hər halda onlar üçün də böyük itkilərdi. Çünki Rusiya nəhəng bir maliyyə bazarıdır.
- Yalnız buna ümid bəsləyirik. Baydenin edə biləcəyi ikinci şey, Rusiya hökumət borcuna qarşı sanksiyalar tətbiq etməkdir. Yəni sanksiyalardan əziyyət çəkən investorların Rusiya borc istiqrazlarına və qiymətli kağızlarına sərmayə qoymalarını qadağan etmək. Bu, bir gecədə baş verərsə, rubl buna sərt reaksiya göstərə bilər.
Əsas təhlükə sanksiyalar, iqtisadiyyatdır. Bir ölkə yaxşı işləyən bir iqtisadiyyata sahib olsa, firavan ola bilər. İqtisadiyyat:
- pul,
- investisiyalar,
- sosial məsələlər deməkdir.
Təəssüf ki, yaşayış səviyyəmiz aşağı düşür. Bu enmə və qiymət artımı 2021-ci ilə qədər davam edə bilər. Əgər Bayden problemlərimizi ağırlaşdırmaq istəyirsə, amerikalıların bunu etmək üçün bir pəncərəsi var.
Eyni zamanda, Putin Baydeni seçilməsi və ardından Yeni il münasibətilə təbrik etdi. Bunun diplomatik etiket qaydaları olduğu aydındır. Hələ də ABŞ-ın özünü ayağından vurmayacağına az ümid var. Silah yarışına girməmək üçün bəlkə də strateji hücum silahlarının məhdudlaşdırılmasına dair müqaviləni uzadacağıq.
Açıq bir rusofobik rəhbərlik gəldi. Rusiyanın dostları orada deyil. Bəlkə də, Lavrovun Sovet ordusu nişanı ilə çəhrayı qulaqcıq təqdim etdiyi Psaki istisna olmaqla. Dövlət Departamentinə gələnlər CIA direktorunu dəyişdirəcək, kəşfiyyata, Milli Təhlükəsizlik Şurasına yeni insanlar gələcək. Rusiyanın dostları orada deyil. Əlbətdə ki, Tramp da Rusiyanın dostu deyildi. Ancaq mən ona bir növ rəğbətlə yanaşdım. Baydenə rəğbət yoxdur. Ondan yaxşı bir şey gözləmirik.
- Tramp dedi ki, Rusiya yaxşıdır, Putin yaxşıdır. Ancaq eyni zamanda Rusiya üçün yaxşı bir şey etmədi.
- Rusiya üçün yaxşı heç nə etmədi. Ancaq çox pis şeylər edə bilərdi. O da çox pis iş görmədi. Buna görə burada mübahisə etmək olar. Tramp, hər halda, açıq rusofobiya ilə məşğul deyildi. Və Bayden, bəlkə də, bizim üçün ona çox minnətdar olmayacağımız bir çox pis şeylər edəcəkdir.
Tərcümə - Elçin Bayramlı
Bütün xəbərlər Facebook səhifəmizdə
USD
EUR
GBP
RUB