Kolumbiyanın cənub-şərqində qəzaya uğrayan “Black Hawk” helikopterində olan 11 əsgərdən 9-nun cəsədi axtarış qrupu tərəfindən aşkar olunub.
SİA xəbər verir ki, qəzaya uğrayan helikopterdə olan daha iki hərbçinin axtarışı davam edir.
***
Saat 00:56
Kolumbiyanın cənub-şərqində “Black Hawk” tipli hərbi helikopterinin qəzaya uğraması nəticəsində azı 6 nəfər xəsarət alıb, 11 nəfərin isə itkin düşdüyü bildirilir.
SİA “TASS” agentliyinə istinadən xəbər verir ki, bu barədə Kolumbiyanın Müdafiə naziri Karlos Olmes Truxilyo açıqlama verib.
“Kolumbiya Silahlı Qüvvələrinin komandanı göyərtəsində 17 əsgərin olduğu “UH-60 Black Hawk” tipli helikopterin qəzaya uğramasından sonra xilasetmə əməliyyatına rəhbərlik üçün Mitu bələdiyyəsindədir. Yaralılar Boqotaya aparılacaq. Artıq bütün səylər təyyarə qəzasından sonra itkin düşən 11 əsgərin tapılması və xilas edilməsinə yönəlib”, - deyə Truxilyo öz “Twitter” səhifəsində yazıb.
Helikopterin düşmə səbəbləri araşdırılır. Bundan əvvəl silahlı qüvvələrin nümayəndələri helikopterlə əlaqəni itirdiklərini bildirmişdilər.
Bütün xəbərlər Facebook səhifəmizdə
USD
EUR
GBP
RUB