Qazaxıstanda iki həftəlik karantin rejimi tətbiq olunacaq

Qazaxıstan hökuməti koronavirus pandemiyası ilə əlaqədar iyulun 5-dən etibarən ölkədə iki həftəlik karantin rejimi elan edəcək. SİA-nın məlumatına görə, bu barədə qərar ölkə hökumətinin iclasında qəbul edilib.

Qərara əsasən, karantin müddətində bir sıra obyektlər bağlanacaq, insanların hərəkətinə məhdudiyyət tətbiq ediləcək. Açıq havada 3 nəfərdən artıq qruplara icazə verilməyəcək.

Karantin rejimi müddət bitdikdən sonra uzadıla bilər.

Qeyd edək ki, Qazaxıstanda son günlərdə yoluxma sayında kəskin artm qeydə alınıb. Təkcə ötən gün 1 509 nəfər koronavirusa yoluxub. Bu günədək ölkədə yoluxanların sayı 42 mini keçib, 188 nəfər ölüb.

Bütün xəbərlər Facebook səhifəmizdə

loading...