Tramp: “ABŞ-da baş verən iğtişaşlar etiraz aksiyaları deyil, terror aktlarıdır”

“ABŞ-da baş verən iğtişaşlar etiraz aksiyaları deyil, terror aktlarıdır”.

SİA “TASS” agentliyinə istinadən xəbər verir ki, bu sözləri ABŞ Prezidenti Donald Tramp deyib.

“Linkoln və II Dünya Müharibəsi abidələri vandalların hücumuna məruz qalıb. Bu, dinc etiraz aksiyası deyil, bu, daxili terror aktlarıdır. Günahsız insanların öldürülməsi insanlığa və Allaha qarşı cinayətdir”, - deyə Tramp son günlər baş qaldıran iğtişaşlarla bağlı xalqa müraciətində vurğulayıb.

Amerikalı lider mövcud iğtişaşlara son qoymaq üçün federal hökumətin bütün qüvvələrinin səfərbər olunduğunu bildirib. Onun sözlərinə görə, ABŞ federal hökuməti silahlı qüvvələrdən ölkədə qanun və qaydanı bərpa etmək üçün istifadə etməyə hazırdır.

Bütün xəbərlər Facebook səhifəmizdə

loading...