Ümumdünya Səhiyyə Təşkilatı Rusiyadakı koronavirusla bağlı vəziyyətdən narahatdır və təhlükə hələ keçməyib. SİA RİA Novostiyə istinadən xəbər verir ki, bu barədə Ümumdünya Səhiyyə Təşkilatının Rusiya Federasiyasındakı nümayəndəsi Melita Vuynoviç Rusiya-24 televiziya kanalında koronavirus ilə bağlı danışarkən deyib.
"Təhlükə də keçməyib, risk də keçməyib. ÜST vəziyyətdən çox narahatdır, çünki insanlar karantində olduqları zaman belə vəziyyət çətindir. Bunu hamımız başa düşürük", deyə Vuynoviç bildirib.
Bununla yanaşı, o bildirib ki, məhdudiyyətlərin qaldırılması barədə qərar ÜST tərəfindən verilmir. Bu ölüm nisbətindən və səhiyyə sisteminin iş yükündən asılı olaraq hər bir ölkənin fərdi qərarıdır.
Vuynoviç əvvəllər RİA Novosti-yə bildirmişdi ki, Moskva yalnız COVID-19 üçün sabitləşmə mərhələsinin başlanğıcındadır və Rusiya paytaxtında insident statistikası hələ də yüksəkdir.
Bütün xəbərlər Facebook səhifəmizdə
USD
EUR
GBP
RUB