İranda koronavirusla əlaqədar məhbusların müvəqqəti azadlığa buraxılması ilə bağlı müddət uzadılıb. SİA-nın məlumatına görə, bunu İran prezidenti Həsən Ruhani koronavirusla mübarizə komitəsinin iclasında deyib.
H.Ruhaninin sözlərinə görə, bu müddət hələlik 19 aprelədək uzadılıb: "Bundan öncə müvəqqəti azadlıq 3 aprelədək nəzərdə tutulmuşdu".
Qeyd edək ki, İranda yeni koronavirusun yayılması ilə əlaqədar 85 min məhbus müvəqqəti olaraq azadlığa buraxılıb.
Əlavə edək ki, İran Səhiyyə, Müalicə və Tibbi Təhsil Nazirliyi ötən günədək (16 mart) 14 991 nəfərin yeni koronavirusa yoluxduğunu, 853 nəfərin öldüyünü, 4 996 nəfərin sağaldığını təsdiqləyib.
Bütün xəbərlər Facebook səhifəmizdə
USD
EUR
GBP
RUB