HDP Diyarbəkir təşkilatının binası qarşısında dağa qaçırılan övladları üçün etiraz aksiyası keçirən daha bir ailə polisin həyata keçirdiyi əməliyyat ilə övladına qovuşub. SİA-nın verdiyi xəbərə görə, Türkiyə Baş Polis İdarəsinin əməkdaşlarının əməliyyatı nəticəsində terror təşkilatının 5 üzvü Şırnakın Habur sərhəd məntəqəsindəki təhlükəsizlik qüvvələrinə təslim olub. Təslim olanlardan birinin HDP Diyarbəkir təşkilatının binası qarşısında etiraz aksiyası keçirən Halime Kadranın nəvəsi İbrahim Xəlil Kadra olduğu açıqlanıb. 5 il əvvəl Diyarbəkirdən dağa qaçırılan yetim və kimsəsiz olan yaxını üçün etiraz aksiyası keçirən Halime Kadra nənə təhlükəsizlik qüvvələrinin əməliyyatı ilə təslim olan İbrahim Xəlil Kadrana qovuşmasının sevincini yaşayıb. Halimə nənənin nəvəsi İbrahim Xəlil Kadranın PKK terror təşkilatından qaçmasına razı salınması prosesində mütəmadi olaraq polis əməkdaşları ilə birlikdə əlaqə saxladığı bildirilib. Beləliklə Diyarbəkirli anaların etiraz aksiyasının 130-cu günündə yaxınlarına qovuşan ailələrin sayı 4-ə çatıb.
Bütün xəbərlər Facebook səhifəmizdə
USD
EUR
GBP
RUB