Gürcüstanın Axmeti rayonunun Sakobiane kəndində (Pankisi dərəsi) iki ailə arasında qarşıdurma olub. AZƏRTAC xəbər verir ki, Pankisi dərəsində kistinlər (etnik çeçenlər) arasında baş verən atışma nəticəsində 1 nəfər ölüb, dörd nəfər yaralanıb.
Mutoşvili və Kavtaraşvili ailələri arasında baş verən mübahisənin dəqiq səbəbləri hələlik məlum deyil. Amma bəzi məlumatlara görə, qanlı dava-dalaşa Pankisidə tikilməsi nəzərdə tutulan su elektrik stansiyası səbəb olub.
Münaqişə nəticəsində xəsarət alanlar xəstəxanaya yerləşdirilib. Faktla bağlı araşdırma aparılır.
Bütün xəbərlər Facebook səhifəmizdə
USD
EUR
GBP
RUB