Tunisdə ötən gün keçirilən prezident seçkilərinin qeyri rəsmi və ilkin nəticələri açıqlanıb. SİA-nın verdiyi məlumata görə, Tunisdə ötən gün keçirilən prezident seçkilərinin səslərinin sayımı və hesablanması davam edir. Məlumata görə səslərin 27 faizinə baxılıb və ilkin nəticələrə görə əl-Müstəqbəl partiyasının namizədi Qeys Səid qutulara atılan səslərin 19 faizini əldə etməklə öndə gedir.
Ondan sonra 15 faiz səslə hazırda polis tərəfindən saxlanılmış Nəbil əl-Qəravi, üçüncü yerdə isə islamçı ən-Nəhda hərəkatının namizədi Əbdül-Fəttah Mouru qərarlaşır.
Tunis Seçki Komitəsinin məlumatına görə ötən günkü seçkilərə seçicilərin yalnız 45 faizi qatılıb. Bu rəqəm inqilabdan (2011) sonra keçirilən 2014-cü ilin prezident seçkilərilə müqayisədə çox az bir rəqəm hesab edilir.
Tunisin bundan öncəki prezident seçkilərinə səsvermə səlahiyyətinə malik olan vətəndaşların 63 faizi qatılmışdı.
Bütün xəbərlər Facebook səhifəmizdə
USD
EUR
GBP
RUB