İran oktyabr ayında Səkinə Aştiyaninin oğlundan müsahibə aldıqlarına görə həbs edilmiş iki alman jurnalisti azad edib. SİA-nın xəbərinə görə, İran və Almaniya rəsmiləri Markus Helviq və Cens Koxun həbsxanadan çıxarılıb Almaniya konuslluğunun rəsmilərinə təhvil verildiyini bildirir. Bundan öncə İranın dövlətə məxsus mətbuatı İranın İnqilabi məhkəməsinin iki alman jurnalistin 20 ay həbs cəzasını hər birinin 50000 dollar cərimə ödəməsi ilə dəyişdirdiyi haqda məlumat vermişdi. Xəbərlərdə deyilir ki, alman jurnalistlər təhlükəsizliyini pozulması ittihamı ilə həbs edilmişdirlər, lakin onların həbs cəzası "islam mərhəməti" göstərilərək azaldılmışdır. İran rəsmiləri jurnalistləri keçən ilin oktyabr ayında ölkəyə vizasız daxil olmaq və müvafiq akkreditisiya almamaq ittihamları ilə həbs etmişdi. Almaniyanın Bild am Sonntag həftəlik qəzeti jurnalistlərin Səkinə Məhəmmədi Aştiyaninin işini araşdırmaq üçün İrana səfər etdiklərini bildirib
Bütün xəbərlər Facebook səhifəmizdə
USD
EUR
GBP
RUB